17. júní hátíðahöld á meginlandinu. Fagurblár ESB fáninn við hún.

Íslendingar í Lúxemborg og nágrenni gerðu sér glaðan dag í gær og gæddu sér á SS pylsum og þjóðlegum hnallþórum til minningar um gömlu ættjörðina.

Sem betur fer fór lítið fyrir Framsóknarmönnum og Heimsksýnarliði svo við "skríllinn" sáum ekki ástæðu til mótmæla - enda yfir fáu að kvarta hér í Stórhertogadæminu hvar smérið drýpur af hverju strái.

Örn Árnason spaugari með meiru skemmti okkur með sönnum sögum af Sigmundi Davíð ásamt nýjustu tíðindum af klakanum.  Hlátrasköllunum ætlaði aldrei að linna.

Það var einkar ánægjulegt að greiða fyrir SS pylsuna með 2ja Evru klinki og ósköp notalegt að sjá fagurbláan ESB fánan blakta við hún í logninu við hlið hins Íslenska. 

Á morgun höldum við svo uppá þjóðhátíðardag Lúxemborgara með flugeldum og látum...og Lëtzebuerger Grillwurscht! ;)

Athugasemdir

[Valdimar Samúelsson, 22.6.2015 kl. 13:43]

Haldið bara ykkar ESB fána hann fer ykkur best enda eru rætur ykkar plantaðar í Lux.Ég hefði sleppt þessum Íslenska í ykkar sporum. Ég held upp á Minn fána og allir Íslendingar flagga honum á Þjóðhátíðardegi okkar í Vesturheimi. 

[Róbert Björnsson, 22.6.2015 kl. 14:04]

Flaggið þið ekki líka Dixie fánanum og KKK krossinum þarna í Vesturheimi, James?

[Jóhann Kristinsson, 22.6.2015 kl. 14:59]

Já var ekki skrifað SS í þessum pistli, er löngunin í þá hreyfingu að stinga upp höfðinu aftur? Hvað verður næst, fáni með hakakrossinum?

Kveðja frá Houston

[FORNLEIFUR, 22.6.2015 kl. 15:38]

SS pylsur og Róbert í Lederhosen, þá verður þetta ekki meira Júroooooop.

[Jón Valur Jensson, 22.6.2015 kl. 16:31]

Vaxa rúsínur í Berlín?

[Róbert Björnsson, 22.6.2015 kl. 16:44]

Jóhann: Það er ekki gott að segja hverju þeir flagga í SS slátrunar-sveitunum á Hvolsvelli.  En Guðni Ágústsson frændi minn taldi SS pylsurnar bezta skyndibita í heimi, eins og frægt varð!  Ég er ekki frá því að ég sé sammála honum þó kannski mætti auka hlutfall svínakjöts í pylsunum.  Ég er minna hrifinn af SS 1944: "Matur fyrir sjálfstæða íslendinga".  Það slógan þótti mér aðeins tú möch!

P.S. Sakna Houston.  Hvernig er surfið í Galveston?  Rockets liðið er komið á endastöð með McHale og Howard.

[Róbert Björnsson, 22.6.2015 kl. 16:46]

Vilhjálmur: ert þú alveg kominn yfir í löngu rauðu pölserne?

[Róbert Björnsson, 22.6.2015 kl. 16:47]

Jón Valur:  Já.  http://www.dw.com/en/berlin-wine-grows-on-local-pride/a-16314470

[Jóhann Kristinsson, 22.6.2015 kl. 17:31]

€2.00 fyrir pulsu, vonandi var gefinn gosdrykkur með því. Ég borga alltaf $1.50 fyrir pulsu og kók í Costco, óttalegt okur er þetta. Og pulsan í Costco er næstum helmingi stærri en íslenskar pulsur, enda er ég og margir Kanar í góðum holdum.

Ég veit ekki, fer yfirleitt ekki mikið út í sól þannig að ég veit ekki hvernig öldugangurinn er á Galviston. En sennilega er góður öldugangur, það var hitabeltistormur að fara í gegn hérna fyrir helgi.

En svona þér að segja þá leiðist mér Houston nákvæmlega eins og mér leiddist Lúxumborg i den tid, mundi mikið frekar vilja vera heima hjá mér í Las Vegas.

Kveðja frá Houston 

[Jón Valur Jensson, 22.6.2015 kl. 17:57]

Góður Jóhann!

ESB-sleikjurnar ímynda sér alltaf að hlutirnir séu ódýrastir í ESB í þróuðum löndum, en þeir eru langtum ódýari í Bandaríkjunum.

[Róbert Björnsson, 22.6.2015 kl. 18:06]

Þetta er svona álíka verðmunur og á Mercedes-Benz vs. Cadillac.  Ég borga aðeins meira fyrir German Engineering! ;)

[Jóhann Kristinsson, 22.6.2015 kl. 18:16]

Og hvað er nú svona special með Nasista verkfræði? Ég er bara ánægður með 2006 CTS Kadilakkinn minn, enda hefur ekki bilað síðan ég fékk hann 2006.

Nei, þið megið eiga ykkar nasista verkfræði og frú Markel líka, versta er að við værum mjög fegnir ég og flestir Kanar ef við gætum losnað við Obama í sæluríki ESB, þið eruð hvort eð er að taka við allskonar fólki frá miðausturlöndum og afríku, ein vesalingur í viðbót mundi nú ekki skemma sæluna í ESB.

Kveðja frá Houston

[Ásthildur Cesil Þórðardóttir, 22.6.2015 kl. 18:30]

Af hverju ertu að ergja þig yfirleitt yfir þessum íslenska fána, slepptu honum bara og gakktu heill inn í Esb. Afsalaðu þér vegabréfinu íslenska ef þú ert ekki þegar búin að því og vertu bara happy í Esb.  En endilega hættu að bögga okkur hin með þessari dásemd. 

[Róbert Björnsson, 22.6.2015 kl. 18:46]

Æ, ég veit ekki Jóhann.  Ég gafst upp á Oldsinum, head gasketið fór á Lincoln Continentalinum mínum og sjálfskiptingin dó bæði í Chrysler New Yorkernum og í Ford Crown Victoriunni minni.  

Obama er alltaf velkominn í siðmenninguna.  Las Vegas...let me guess, þú ert týpan sem myndir kjósa Donald Trump, ekki satt? :)

[Róbert Björnsson, 22.6.2015 kl. 18:49]

Ásthildur ég þarf að bíða í 2 eða 3 ár í viðbót þangað til ég má sækja um ríkisborgararétt í ESB.  Ef íslendingar kjósa yfir sig Framsókn og Sjálfstæðisflokkinn aftur næst þá eru allar líkur á að ég skili vegabréfinu.

Eina ástæðan fyrir því að ég held út Moggabloggi er til þess að bögga ykkur hin með þessari dásemd og fá svona æðisleg komment! ;)  Það er svo gaman að hneyksla ykkur.  

[Jóhann Kristinsson, 22.6.2015 kl. 18:59]

Svona þér að segja þá átti ég Pussjó og félagi minn átti Audi þetta var allt að riðga í sundur og alltaf eitthvað að.

Kjósa, hættur því, það er algjör óþarfi, búið að ákveða hver vinnur kosningar löngu fyrir kosningadag, hvort sem það er í USA eða ESB.

En sem betur fer þá fæ ég ekki sekt ef ég fer ekki á kjörstað, eins og þeir sem hafa kosningarétt og mæta ekki á kjörstað í Lúxumborg. 

Kveðja frá Houston

[Hilmar (IP-tala skráð) 22.6.2015 kl. 19:48]

Framsókn og Sjálfstæði fá plús í kladdann.
Hver hefði trúað því, að þessir tveir flokkar gætu verið svona gasalega fínir pólitískir meindýraeyðar.

[Róbert Björnsson, 22.6.2015 kl. 20:04]

Samkvæmt nýjustu skoðanakönnunum Hilmar, er ekki útlit fyrir að þeir haldi velli í næstu kosningum.  Því ættirðu ekki að fagna of snemma! ;)

[Ásthildur Cesil Þórðardóttir, 22.6.2015 kl. 20:14]

Vonandi að allt fari að óskum þínum og ný ríkisstjórn taki yfir.  Og þá getur þú skilað inn þínu vegabréfi og bara haldið þig í Lúxemburg, það er nefnilega þannig að hver verður að vera þar sem hann kýs og þar sem honum líður vel.  En málið er að það geta einfaldlega ekki allir, því sumir þurfa bara að reyna aðö lifa af á flótta undan fátækt og stríði.  Það vill nefnilega oft gleymast  að þrátt fyrir allt eru íslandingar lukkunnar pamfílar og eru meðteknir hvar sem er vegna stöðu sinnar í alþjóða samfélaginu.  Og þeir sem lítilsvirða það og okkur eiga hreinlega ekki heima í því samfélagi.  :)

[Hilmar (IP-tala skráð) 22.6.2015 kl. 20:36]

Kannanir eru kannanir og kosningar eru kosningar. Við bíðum bara róleg þar til kosið verður.
Hitt er svo, að skv sömu könnunum er þjóðin að útrýma ESB flokkunum.
Í þínum sporum myndi ég athuga með laust húsnæði í kringum þig, því líklega eru fleiri ESB lúserar að hugsa sér til hreyfings.

Gallinn er bara sá, að það er svo svakalegt atvinnuleysi þarna í ESB eyðimörkinni, að þeir verða sennilega að fara beint á bætur.
Oh well... það er bara bitamunur, en ekki gjár. Þeir eru og hefðu verið á framfærslu Félagsmálastofnunar ESB

[Hilmar (IP-tala skráð) 22.6.2015 kl. 20:41]

Eins og flestir viti bornir menn vita, þá er g við hliðina á f á lyklaborðum. Sömu viti bornu menn gera sér grein fyrir að í fyrra svari átti að standa fjár, en ekki gjár, og að þetta var innsláttarvilla.

Þessi leiðrétting mín er ekki fyrir það fólk, heldur ESB sinna.

[Róbert Björnsson, 22.6.2015 kl. 21:23]

Ljóta heiftin í þessu þjóðrembuliði.  Nánast froðufellandi í hatri sínu og misskilningi á ESB.  Það er kannski illa gert hjá mér að espa það svona upp...enda virðast taugarnar strekktar til hins ýtrasta.  Símatíminn búinn á Útvarpi Sögu og ekkert nema útlendingar allsstaðar!

[Ásthildur Cesil Þórðardóttir, 22.6.2015 kl. 22:55]

Já og við erum auðvitað útlendingahatarar sem ekki vilja ganga í ESB?  'Eg get alveg sagt þér það að á á marga vini erlenda og allir þeir sem ég þekki vara Íslendinga við að ganga í ESB.  Þeir segja að við séum miklu betur komin án þessa sambands og ég sjálf trúi því og reyndar veit að það er algjörlega rétt. 

[Hilmar (IP-tala skráð) 22.6.2015 kl. 23:35]

Svakalega ertu bitur, Róbert.
Ég veit og skil að þetta átti að vera "comeback" hjá þér, en þegar menn eru búnir að missa ESB ríkisstjórnina sína, ESB bjölluatið búið, ESB flokkarnir að þurrkast út, engar Icesave greiðslur, Ísland á blússandi siglingu meðan ESB hrekst til baka undan gríðarlegum mótvind, þá er þetta holur og falskur hljómur í þér. Auðvitað er rétt að vera svolítið mannalegur í sér, en í þessu tilviki verður þú bara kjánalegur.

Auðvitað er best fyrir þig að játa bara ósigurinn, því þessi afneitun þín á staðreyndum étur þig bara að innan.
Reyndu bara að hugsa til næsta 17. júní, þegar þið fáið gómsætan íslenskan mat sendan til ykkar, frá ættingjum sem hugsa fallega til ykkar, þó gölluð séu.

Restinni af okkur er hinsvegar nákvæmlega sama.

[Jónas Ómar Snorrason, 23.6.2015 kl. 06:26]

Þú fórst út á hálan ís Róbert, máttir vita að ESB andstaða er trúarbrögð á Íslandi, þar sem sumir trúa því að allt sé best í heimi á Íslandi. Besta verðbólga í heimi, bestu okurvextir í heimi, besta verðtrygging í heimi, bestu sérhagsmunagæslur í heimi, besta dauða örmynnt í heimi, besti landflótti í heimi, besta spilling í heimi, og margt margt fleira má tína til, sem fólk í söfnuðinum telur best í heimi á Íslandi, og fær menningarsjokk þegar það heyrir, les og sér svona lýsingar eins og þínar, það beinlínis ærist af andúð og heift gagnvart svona lífi. 

[Bjarni Gunnlaugur (IP-tala skráð) 23.6.2015 kl. 09:05]

Það eru elítur í öllum löndum, þó að þú Róbert sæll tilheyrir þeim betur settu í ESB þá táknar það ekki endilega að allir þar hafi það eins gott. Ég er t.d. viss um að á Grikklandi eru margir "Róbertar" í þeirri stöðu að geta einfaldlega ekki farið til náms hvorki í USA né annars staðar þrátt fyrir góðar gáfur.

       Þannig verður staða þín (vonandi góð) í "sæluríkinu" ekki endilega marktæk um hvernig yrði almennt hjá öðrum við að Ísland gengi í ESB. 

  Enn síður held ég að það hefði mikil áhrif á veðurfar eða gróðursæld hér á landi ef við gengjum í ESB, í því tilfelli er náttúrulega einfaldast fyrir þá sem hafa tök á að flytjast þangað sem hugurinn leitar eins og Ásthildur bendir á. 

  Hinir sem langar að vera þar sem vínviðurinn vex en komast ekki verða að passa sig á poppúlistum sem segja þeim að hann fari að vaxa hér við inngöngu í ESB. 

Annars hefur þessi ESB leiðangur allur borið svo mikið afhroð að manni finnst eins og að sparka í liggjandi mann að núa ykkur áhugasömum því um nasir.

Hafðu það annars áfram gott í sælunni!

[Dagga (IP-tala skráð) 23.6.2015 kl. 09:44]

Mér finnst alltaf svolítið skondið þegar heil þjóð byggir afkomu sína á að vera í feluleik. Hátt í 90% af innkomu þjóðarinnar er tilkomin af vilja þeirra til að hjálpa einstaklingum og fyrirtækjum við að sleppa undan skatti. Hvort það er réttlátt gagnvart öðrum þjóðum innan ESB veit ég ekki, en ég myndi hvorki hleypa Luxembourg né Caymaneyjum inní ESB, ef ég væri þar ráðamaður.

Það er óskaplega fallegt í Lux, en mér hefur alltaf fundist fólkið þar bæði latt, nískt, og hugmyndasnautt( hef oft verið þar). Margir Íslendingar þar segja að lúxarar séu mjög pirraðir yfir að þurfa að borga til ESB og kvarta líka yfir að matarverð hafi margfaldast eftir að evran var tekin upp. En góða skemmtun og gangi þér vel að fá vegabréf. Við munum ekki reyna að standa á móti útgöngu þinni úr Íslandi!

[Róbert Björnsson, 23.6.2015 kl. 17:59]

Hilmar:  Ísland á blússandi siglingu og ESB í gríðarlegum mótvind?  Ert þú einn af þeim sem ert haldinn rofi á milli skynjunar og raunveruleika eins og forsætisráðherrann þinn?  Benda yfirstandandi kjaradeilur og allur sá farsi til þess að allt sé á blússandi siglingu?  Ertu stoltur af því hvernig búið er að fara með heilbrigðiskerfið og hvernig þið farið með gamla fólkið og "aumingjana" á meðan ekkjan í Vestmannaeyjum og Steini í LÍÚ arðræna þjóðina fyrir framan nefið á ykkur?  

[Róbert Björnsson, 23.6.2015 kl. 17:59]

Jónas:  Viðbrögðin við þessari færslu voru auðvitað mjög fyrirsjáanleg.  En það er einhver púki í mér sem hefur gaman að því að espa svona lið upp.  Það kemst svo auðveldlega í tilfinningalegt uppnám og tjáir sig oft meira að kappi en forsjá.  

[Róbert Björnsson, 23.6.2015 kl. 17:59]

Bjarni Gunnlaugur:  Grikkir hafa engum um að kenna hvernig komið er fyrir þeim öðrum en sjálfum sér þó svo ég hafi auðvitað mikla samúð með almenningi þar, saklausum fórnarlömbum.  En líkt Íslendingum hafa þeir kosið yfir sig spillingar-pakk síðustu áratugi sem rændu þjóðfélagið innanfrá.  Þá er það ríkt í þeirra menningu að stela undan skatti hvenær sem tækifæri gefst.  Þeir hafa rústað eigin samfélagi alveg hjálparlaust.  Hvort sem þeir þyggja aðstoð ESB við enduruppbygginguna eða ekki er á þeirra valdi.  Ljóst er að ef að þrjóskan og þjóðrembingurinn verður ofan á bíður þeirra ekkert annað en áframhaldandi volæði.  Þeirra er valið.  ESB og Evran mun lifa af Grexit ef út í það fer.

[Róbert Björnsson, 23.6.2015 kl. 18:00]

Varðandi Ísland - þá trúi ég því að hagur almennings gæti einungis skánað við ESB aðild og upptöku Evru.  Útgerðarmenn gætu ekki handstýrt gengi krónunnar korteri eftir kjarasamninga til að lækka launin.  Seðlabankinn gæti ekki haldið uppi okurvaxtastefnu og glæpsamleg fyrirbæri eins og verðtrygging lána heyrðu sögunni til.  Frekar treysti ég spilltustu bjúrókrötunum í Brussel fyrir hagsmunum mínum en hyskinu á Alþingi - svo mikið er víst.  Og fyrr vildi ég deila sjávarauðlindinni með útlendingum en að horfa uppá núverandi kvótakerfi þar sem sérútvaldir auðmenn fá gjafakvóta og arðræna samfélag sitt rétt eins og Grískir ólígarkar!

[Róbert Björnsson, 23.6.2015 kl. 18:00]

Dagga:  Cayman-eyjur hafa ekki sótt um ESB aðild enda staðsettar í Karabíska-hafinu.  Lúxemborg mun binda enda bankaleynd frá með áramótunum 2017.  Eflaust mun það draga úr banka-umsvifum í landinu og minnka tekjur þeirra eitthvað - og skattsvikarar munu færa fé sitt til skatthols Bresku krúnunnar (Jersey eða Guernesey).  Bretar geta jú stundum verið hræsnarar.

http://www.euractiv.com/sections/euro-finance/luxembourg-drops-bank-secrecy-rules-after-years-pressure-309175

Ekki veit ég á hverju þú byggir þá skoðun þína að Lúxemborgarar séu almennt "latir, nískir og hugmyndasnauðir".  Ég hef reyndar heyrt suma íslendinga segja hið sama um Norðmenn.  Kannski það stafi að einhverju leiti af öfund eða minnimáttarkennd?  Íslendingar hafa nú alltaf litið svolítið stórt á sig (miðað við höfðatölu) og margir líta niður á Lúxemborgara með sama hætti og Færeyinga.  Telja þá "smáþjóð" ekki samborna sönnum Víkingum.  Einhver ýmindaður superiority complex eða ego tripp.  

En já, hvort sem ég skila passanum á endanum eða ekki, á fólk auðvitað að reyna að koma sér þangað sem því líður vel og sér fram á bjarta framtíð.  Sérstaklega ef það er borin von að eitthvað breytist til batnaðar í heimalandinu vegna þrjósku og þrælslundar.  Ég kaus allavega með fótunum, talked the talk and walked the walk.  Hér fást greidd mannsæmandi (og verðtryggð) laun í stöðugum gjaldmiðli á sama tíma og húsnæðislán eru afar hagstæð og laus við séríslenskar barbabrellur.  Maður hefur á tilfinningunni að hér búi maður í réttlátara og sanngjarnara samfélagi en fyrirfinnst á Íslandi.  Það er bara mín upplifun.

[Bjarni Gunnlaugur (IP-tala skráð) 23.6.2015 kl. 18:58]

Það sem virðist hafa farið með Grikki er ekki þrjóskan og þjóðrembingur heldur fullkomnlega ábyrgðarlaus sósialismi. Allir ætluðu að lifa á ríkinu en enginn að borga skatta.

Minnir svolítið á blessaða kjánana hér sem telja endalaust hægt að veiða launahækkanir upp úr ríkishattinum burtséð frá eindregnum viðvörunarorðum Seðlabannkans. (Trufla sumir 17. júní hátiðarhöld) Kenna ríkisstjórn um þó svo að Már hafi verið handvalinn af vinstrimönnum en komist samt að þessari niðurstöðu og hóti miskunarlaust vaxtahækkunum eða verðbólgu ella verði farið að hinum eindregnu kröfum ríkisstarfsmannanna (sem og stjórnarandstöðunnar) 

Í dag virðist ESB blanda af sparifatakommúnisma í aðra röndina þar sem vinstri poppúlismi veður uppi með tilheyrandi og óumflýjanlegunm katastrófum, (T.d. eru Danir og Svíar farnir að lána afborgunarlaus húsnæðislán. !!!!!!!)svo á að laga allt með því að prennta peninga handa fjármálakerfinu. 

 Það eru semsagt tveir úlfar fóðraðir, sósíalisminn og frjálshyggjan.  Hvorugt kann góðri lukku að stýra. 

Bið ég þá heldur um ábyrga miðjustefnu Framsóknar!

[Róbert Björnsson, 23.6.2015 kl. 19:22]

Ég mun senda atkvæði mitt gegn "ábyrgri miðjustefnu Framsóknar" í DHL pósti þegar þar að kemur.  Við núllum hvorn annan út.

[Hilmar (IP-tala skráð) 23.6.2015 kl. 20:27]

Hvernig farið er með heilbrigðiskerfi?
Heilbrigðiskerfið var í fullkominni rúst fyrir og á meðan læknar voru í verkfalli. Af einhverjum ástæðum þá varð heilbrigðiskerfið öldungis frábært erftir að læknar fengu sína hækkun.

En svo varð heilbrigðiskerfið aftur algerlega ónýtt þegar hjúkrunarfræðingar fóru í verkfall. Reyndar ekki alveg eins slæmt og meðan læknar voru í verkfalli, en skýringin ku vera sú, að hjúkrunarfræðingar eru ekki með jafn góða spunameistara og læknar.
Heilbrigðiskerfið verður svo aftur orðið frábært þegar hjúkrunarfræðingar semja.
Með öðrum orðum, það er ekkert að heilbrigðiskerfinu.

Og svo þetta með gamla fólkið og "aumingjana".
Það er til, og hefur alltaf verið til nóg af peningum fyrir gamalt fólk, og "aumingja". Því hefur reyndar verið úthlutað í gæluverkefni vinstrimanna, og eru hægri stjórnir ekki undanskyldar. Það þarf ekki að leggja sjávarútveginn í rúst með heðfbundinni skattpíningu vinstrimanna, bara að fara öðruvísi með þá skatta sem innheimtir eru.

En það er umræða sem þýðir sennilega lítið að fara í með þér. Vinstrimenn hafa hreinlega aldrei skilið hagfræði, og aldrei skilið þá staðreynd, að skattheimta býr ekki til þjóðartekjur, og ríkisstarfsmenn skapa ekki útflutningstekjur. Þeir sem ekki skilja einfalda hagfræði eru helstu aðdáendur ESB.

[Jónas Ómar Snorrason, 24.6.2015 kl. 06:24]

Varðandi færslu þína nr.31, þá hef ég oft haldið fram því sama varðandi sjávarútveginn. Hvað varðar spilltasta bjúrókratann í Brussell, þá get ég alveg tekið undir þetta með þér, maður þyrfti alla vega ekki að vera með andlitið á honum fyrir sér alla daga eins og núverandi spillingarkerfi býður upp á. Þar sem þeir í ríkisstjórn koma reglulega fram með lygasméttið eins og engin sé morgundagurinn. 

[Jón Valur Jensson, 25.6.2015 kl. 03:42]

ESB-fáninn er ekkert "fagurblár", hann er ekki einu sinni navy blue, bara dimmblár og það af myrkustu sort! Stjörnurnar úr upphafsríkjunum (sem vilja svo dírígera öllu framvegis) virðast lífga upp á þarna, en það er enginn veigur að þeim gömlu nýlenduveldum, og það eru NB þau sem mestu ráða í þssu stórvelda-sambandi, þ.e.a.s. yfir 73% atkvæðavægi í hinu volduga ráðherraráði ("ráðinu") og leiðtogaráði Evrópusambandsins, en hin 18 ríkin, saklaus af nýlendustefnu, munu ráða þar tæpl. 27% atkvæðavægi! --> Tíu aflóga nýlenduveldi ráða lögum og lofum í Evrópusambandinu

[Jón Valur Jensson, 25.6.2015 kl. 03:44]

Tengillinn virkaði ekki. Þetta virkar:

http://fullveldi.blog.is/blog/fullveldi/entry/1250643/

[Rúnar (IP-tala skráð) 25.6.2015 kl. 08:29]

Það er ótrúlegt að lesa þessi sandkassa komment frá fullorðnu fólki.  Ég skammast mín fyrir að vera íslendingur eftir lestur þessara athugasemda frá fullorðnu íslensku fólki.

[Róbert Björnsson, 25.6.2015 kl. 08:51]

Velkominn á Mogga-bloggið Rúnar.  "You will never find a more wretched hive of scum and villainy."