Prince segir Guð hata homma

Hver man ekki eftir popparanum glysgjarna Prince...sem einu sinni kallaði sig "The Artist formerly known as Prince" og svo varð hann aftur bara Prince.  Eitthvað virðist hann ennþá vera ruglaður í ríminu eftir þessar nafnabreytingar og sennilega í einhverri tilvistarkreppu grey karlinn.

Prince er sennilega einn af frægari tónlistarmönnum Minnesota (ásamt Bob Dylan) og hann hefur búið í Minneapolis alla sína hunds og kattartíð og troðið upp á First Avenue (Purple Rain) og í Uptown við og við.  Prince flutti þó til Los Angeles í fyrra á fimmtugsafmælinu sínu, að eigin sögn til þess að geta betur "ræktað trúnna".

Aumingja Prince lenti í klónum á költi Votta Jehóva fyrir nokkrum árum og tekur meira að segja þátt í að ganga hús í hús til þess að boða "fagnaðarerindið" og dreifa "Varðturninum", áróðurspésa Vottanna. 

Einhverra hluta vegna gat ég ekki annað en skellt uppúr þegar ég las viðtal við Prince í The New Yorker þar sem hann er meðal annars spurður um pólitík...en trúin bannar honum að kjósa.  Hann sagðist m.a. vera algerlega á móti hjónaböndum samkynhneigðra, benti á biblíuna og sagði “God came to earth and saw people sticking it wherever and doing it with whatever, and he just cleared it all out. He was, like, ‘Enough.’ ” og átti þar væntanlega við Sódómu og Gamorru.  Mjög djúpt hjá listamanninum knáa og kvenlega...og svolítið tragíkómískt.    Við óskum honum að sjálfsögðu góðs bata.

Athugasemdir

[DoctorE (IP-tala skráð) 18.11.2008 kl. 11:52]

Prince er líkast til laumuhommi sem varð fyrir heilaþvottavél.
Trú bannar svo margt, hún bannar eiginlega allt sem viðkemur mannréttindum.... .enda er gudda lýst sem morðóðum einræðisherra.

[Jón Steinar Ragnarsson, 18.11.2008 kl. 19:39]

Seint verður hann kallaður orator mikill. Orarl donor kannski. Hann er svona kynleysa einhver blessaður. 

[Róbert Björnsson, 18.11.2008 kl. 19:50]

Hehe...æi já hann er spes karakter...og óratoríur hans eru all sérstakar.