Furðuleg Heimssýn

Öfgasinnaðir einangrunarsinnar af hægri og vinstri jaðarsvæðum íslenskra stjórnmála sameinast nú undir merkjum Heimssýnar í þeim tilgangi að reyna að koma í veg fyrir að Íslenska þjóðin fái að kjósa um Evrópusambands-aðild.  Heimssýn ályktar að kjósa skuli um að draga umsókn Íslands að Evrópusambandinu til baka áður en aðildarviðræður fara af stað og áður en þjóðin fær að vita hvers konar samning okkur stendur til boða að þeim loknum.

Heimssýnar-menn þykjast vera svo vissir um að þjóðin felli aðild, þegar þar að kemur, að það taki því ekki einu sinni að eyða peningum í viðræður.  Við hvað eru þeir svona hræddir?  Af hverju treysta þeir ekki dómgreind Íslendinga í þjóðaratkvæðagreiðslu?  Er það kannski svo að þessum hóp sjálfskipaðra  besserwissera og eiginhagsmunaseggja sé í nöp við lýðræðið?  Er hættulegt að leyfa fólkinu að ráða?

Ég veit ekki hvernig ég mun kjósa, að loknum aðildarviðræðum, og ég mun ekki taka ákvörðun um slíkt fyrr en ég veit nákvæmlega hvað vinnst og hvað tapast við aðild.  En eitt veit ég þó - ég mun ekki láta hræðsluáróður öfgasinnaðra þjóðernissinna, kvótakónga og fjármagnseigenda sem óttast alþjóðlegar leikreglur, né heldur bændamafíuna, hafa áhrif á mína ákvarðanatöku.

Viðræðurnar munu fara fram - við skoðum niðurstöðuna og kjósum svo.  Einfalt mál.

Ásmundur Einar nýr formaður Heimssýnar

Athugasemdir

[Hjörtur J. Guðmundsson, 15.11.2009 kl. 19:57]

"Málefnalegur". Segir meira um þinn málstað en annarra :)

Þess utan er þegar vitað í langflestum tilfellum hvað innganga í Evrópusambandið hefði í för með sér eins og t.d. Olli Rehn, ráðherra sambandsins í stækkunarmálum, hefur bent á. En það þarf að kynna sér málið og því nenna ekki allir. Það þarf engar "aðildarviðræður" til þess

Ég óttast ekki niðurstöðu þjóðaratkvæðis um inngöngu í Evrópusambandið. Henni verður vafalítið hafnað. Ríkisstjórnin óttaðist hins vegar greinilega að leyfa þjóðinni að ákveða hvort fara ætti í þennan leiðangur eða ekki.

Þjóðaratkvæðið um inngönguna verður þess utan ekki einu sinni bindandi heldur aðeins ráðgefandi. Lokaorðið verður hjá blessuðum stjórnmálamönnunum okkar.

[Jóhannes Ragnarsson, 15.11.2009 kl. 20:03]

Mér sýnist, að Róbert Björnsson sé vissulega öfgamaður af jaðarsvæði. Það er einfalt mál!

Ég held maður kannist nú við hann Robba frá Jaðri.

[Ingibjörg Guðrún Magnúsdóttir, 15.11.2009 kl. 20:15]

Já Hjörtur, það liggur nefnilega þannig, að ríkistjórnin hefur alltaf verið hrædd við niðurstöðu þjóðarinnar um inngöngu í ESB. Og ef að allar niðurstöður úr könnunum eru réttar, að stór meirihluti þjóðarinnar er andvígur aðild, þá er verið að kasta miklum peningum fyrir borð með áframhaldandi aðildarviðræðum sem valda bara meiri ólgu, og anndspyrnu, þegar vitað er fyrirfram að þjóðin muni hafna aðild.

[Gylfi Gylfason, 15.11.2009 kl. 20:16]

Hvað ertu tilbúinn til að taka mikið uppúr eigin prívatveski til að borga í viðræðukostnaðinum?

[Róbert Björnsson, 15.11.2009 kl. 20:20]

Ef þið eruð svona róleg yfir útkomu þjóðaratkvæðagreiðslu skil ég ekki alveg af hverju þið séuð á móti því að hún fái að fara fram.

Segi þjóðin nei - er málið dautt. 

Skoðanakannanir í dag sýna einungis hug fólks á þessum tímapunkti - sem er litaður af ergelsi fólks út í Breta og Hollendinga vegna Icesave deilunnar.  Skoðanakannanir eru heldur ekki kosningar - og forsendurnar fyrir afstöðu stórs hluta þjóðarinnar mun ekki liggja fyrir, fyrr en af afstöðnum viðræðum. 

[Ingibjörg Guðrún Magnúsdóttir, 15.11.2009 kl. 20:30]

Nei Róbert, fólkið er ekki reitt Bretum og Hollendingum vegna Icesave deilunnar, heldur Samfylkingunni og ríkistjórn sem vill bara troða Icesave á almenning þó hann eigi enga aðild að stofnun þessarar skuldar, og reitt vegna þess að ríkistjórnin talar ekki máli fólksins og hunsar það hreynlega bara.

[Halldóra Hjaltadóttir, 15.11.2009 kl. 20:46]

Segi þjóðin nei - er málið dautt. 

Nei, vinurinn

Atkvæðagreiðslan verður einungis ráðgefandi, en ekki bindandi. Sú ákvörðun var tekin þegar ákveðið var með naumum þingmeirihluta að sækja ætti um aðild að Evrópusambandinu.

mbk HH

[Róbert Björnsson, 15.11.2009 kl. 20:51]

Dettur ykkur virkilega í hug að stjórnvöld færu gegn niðurstöðum þjóðaratkvæðagreiðslu?   Þau kæmust aldrei upp með það.

[Halldóra Hjaltadóttir, 15.11.2009 kl. 21:00]

Það er ekki stóra málið.... Það að sá möguleiki er fyrir hendi er stóra málið og er það hreint ólíðandi. Þó að aðild að Ebé verði hafnað í ráðgefandi þjóðaratkvæðagreiðslu myndi atkvæðagreiðsla fara fram aftur, aftur og aftur, þar til að rétt niðurstaða fengist.

Við höfum víða fordæmi fyrir þessari vitleysis taktík erlendis.

Það væri best að spara tíma, orku og umtalsverða fjármuni og innkalla þessa umsókn um einangrunarvist innan ríkjabandalagsins án tafar. Leyfa síðan þjóðinni að ákveða hvort og hvenær verði sótt um aðild að ESB og kjósa um þann samning í bindandi þjóðaratkvæðagreiðslu.

mbk HH

[Halldóra Hjaltadóttir, 15.11.2009 kl. 21:01]

Já, ég efast ekki um það að Þingmenn Samfylkingar færu gegn lýðræðinu, eins og þeim einum er lagið.

mbk HH

[Guðmundur Ásgeirsson, 15.11.2009 kl. 21:09]

Einangrunarsinnar eru þeir sem vilja loka sig inni í evrópsku stórríki og gera Ísland að útnárahreppi þar. Það eru 193 viðurkennd fullvalda ríki í heiminum en aðeins 27 í Evrópusambandinu og verða bráðum að einu.

[Ómar Bjarki Kristjánsson, 15.11.2009 kl. 21:16]

Til hamingju með formanninn Neiarar !

[Ólafur (IP-tala skráð) 15.11.2009 kl. 21:19]

Þú hlýtur nú að spyrja sjálfan þig Róbert, af hverju var ekki þjóðaratkvæðagreiðsla um hvort það ætti á annað borð að sækja um aðild?

Þú ferð ekki og skoðar hús ef þú hefur engan áhuga á að kaupa fasteign.

[Ganganóla Spinnatzch (IP-tala skráð) 15.11.2009 kl. 21:33]

 AHAHAHHA HAHAHAHHA HAHAHAHAHHA ....sjá alla thessa bjöllusaudi.  Audvitad á fólk ad kjósa um thetta.  Ekki á fólk ad láta hrokafulla gemilinga troda theirra skodun nidur í hálsin á sér.

Lýdraedi er rétta adferdin. 

Annars keypti ég ódýra banana í Bónus í dag.  Allt er ódýrast í Bónus.  BÓNUS BÓNUS BÓNUS..Ég thakka Gudi fyrir BÓNUS!!!

[Róbert Björnsson, 15.11.2009 kl. 21:37]

Ef við gefum okkur að a.m.k. 30% þjóðarinnar, sem hvorki eru harðir andstæðingar ESB né æstir Evrópusinnar, og eru ekki með fyrirfram myndaðar og kannski fordómafullar skoðanir, vilji fá að kjósa um borðleggjandi samning þar sem fullvitað er um niðurstöðurnar, þá sé ég ekki tilganginn í tvöfaldri atkvæðagreiðslu.

Er ekki nær að vita fyrst forsendurnar svo hægt sé að taka yfirvegaða ákvörðun sem er ekki byggð á getgátum?

[Róbert Björnsson, 15.11.2009 kl. 21:43]

Bið ykkur að afsaka að ég hef ekki tíma (né í raun áhuga) á að rökræða þessi mál frekar í kvöld.   Ykkur er hinsvegar frjálst að hrauna yfir mig athugasemdum ef þið kjósið svo - vonandi þó á kurteisum nótum. 

[garri (IP-tala skráð) 15.11.2009 kl. 23:01]

Eins og Halldóra bendir á verður einfaldlega kosið aftur og aftur og aftur þangað til viðunnandi niðurstaða fæst. En eftir að sú niðurstaða fæst (oft mjög tæpt) er ekki hægt að kjósa árið þar á eftir hvort menn vilji út. Nei, þegar komið er inn verður ekkert meira kosið um það.

Skrítið að þegar svona málefni hafa verið felld og felld trekk í trekk - og svo allt í einu eitt árið samþykkt, þá er það bara búið. Sorry - ekki hægt að fella eitthvað sem er búið að samþykkja.

[Viðar Helgi Guðjohnsen, 15.11.2009 kl. 23:48]

Þeir í Heimssýn eru mjög málefnalegir, annað en þeir einstaklingar sem vilja kúga upp á landið Icesave og þvinga þjóðina inn í eitthvað alríki.

[Sigurður Grétar Guðmundsson, 15.11.2009 kl. 23:49]

Það er meðólíkindum hve margar rökleysur koma fram að ofan. Bendi á að það fór engin þjóðaratkvæðagreiðsla fram um þátttöku okkar í Evrópska efnahagssvæðinu. Bendi líka á það að sú þátttaka hefur verið okkur nær eingöngu jákvæð, ekki aðeins efnahagslega heldur hefur sú aðild stórbætt réttarfar og dómsmál í landinu.

Það er þegar yfirlýst að hver sem samningurinn verður, ef einhverjir samningar nást, verður hann lagður undir þjóðaratkvæði og það verður aðeins ein þjóðaratkvæðagreiðsla. Allir flokkar hafa held ég lýst yfir að þeir munu hlíta þeirri þjóðaratkvæðagreiðslu. Enginn hefur þó tekið það eins skýrt og greinilega fram  og Jóhanna Sigurðardóttir forsætisráðherra og formaður Samfylkingarinnar.

Er einhver ástæða fyrir því að rífast um þetta mál og vera að gera öðrum upp skoðanir þangað til fyrir liggur samningur við ES?

Það er víst hægt að ganga út úr ES, það gerðu Grænlendingar.

[Sigurður Þórðarson, 16.11.2009 kl. 01:17]

Af hverju lagði Samfylkingin á það áherslu að þjóðaratkvæðagreiðslan yrði ekki bindandi og fékk því framgengt gegn þrátt fyrir mikla andstöðu í þinginu?

Höfundur Lagnafrétta segir ósatt:

Hvaða skilyrði setti Jóhanna fyrir því að farið yrði að niðurstöðu þjóðaratkvæðagreiðslu?

[Jón Steinar Ragnarsson, 16.11.2009 kl. 03:01]

egi þjóðin nei, er málið ekki dautt Róbert. Það verður kosið og kosið þar til "rétt" niðurstaða fæst. 

Kynntu þér málið áður en þú ræðst fram á ritvöllinn með svona. Langmestur meirihluti þjóðarinnar er á móti þessu, svo við getum alveg sparað okkur útlátin, þar til annað kemur í ljós.  Ef meirihlutinn er á móti þessu, eru þá Íslendingar að mestu kvótakóngar og fjármagnseigendur?

Hér er verið að gera mockery úr lýðræðinu.  Meira að segja gengu Samfylkingarmenn fram hverjir á fætur öðrum, þegar málið var rætt og sögðu að þeir myndu ekki taka mark á niðurstöðum þjóðaratkvæða ef þær stríddu gegn sannfæringu þeirra.  Þær væru ekki bindandi.  

Nú er verið að troða í gegn frumvarpi til að downgeida þjóðaratkvæðin enn freka og opna á "leiðbeinandi" þjóðaratkvæði, sem ríkistjórn ákveður án þess að málið fari fyrir forseta.

Ég á ekki orð að lesa þessa dellu frá þér. 

[Jón Steinar Ragnarsson, 16.11.2009 kl. 03:08]

Í evrópubandalaginu eru 26 af 50 evrópuþjóðum. Í guðs bænum ekki gjamma þennan söng um alþjóðasamfélagið í því samhengi.  Við höfum nú þegar orðið af fríverslunarsamningi við Kína, sem var í burðarliðnum, af því að við erum að þessu brölti.  Þetta er þegar að valda miklum skaða með stöðu okkar í hinu raunverulega alþjóðasamfélagi.

[Kristur, 16.11.2009 kl. 08:03]

  Þjóðaratkvæðagreiðslur eru aldrei bindandi, það er alltaf alþingi sem tekur ákvörðunina að lokum.  Um 65% af evrópubúum búa innan ESB.

[Sigurlaug Guðrún Inga Gísladóttir, 16.11.2009 kl. 08:48]

Það er algerlega nauðsynlegt að koma því í lög að þjóðaratkvæðagreiðsla verði bindandi niðurstaða. Hvers vegna gat samfylkingin ekki samþykkt það?? ef þeir ætla að virða vilja þjóðarinnar?? það er nefnilega ekki hægt að treysta  nokkrum flokki til að virða niðurstöðu þjóðaratkvæðagreiðslu nema það sé bundið í lög.

Ég hlakka til þjóðaratkvæðagreiðlsu því ég er alveg viss um að íslendingar  vilja ekki verða hluti af hinu nýja ríki ESB við erum einfaldlega skynsamari en svo, en ég treysti ekki einum einasta af fjórflokknum til að virða vilja þjóðarinnar, og því skil ég ekki hvers vegna SF lagist geng þessu.

[Valdimar Samúelsson, 16.11.2009 kl. 10:32]

Þú hefir fengið svo mikil comment svo mitt verður stutt. Þú talar um einangrunarsinna. Ef við göngum í ESB þá fyrst verðum við einangraðir. Öll verslun verður að vera að þeirra geðþótta og reglugerðum. Ég held að þið ESB sinnar ættuð að já virkilega að hugsa ykkar gang.

[Sigurður Þórðarson, 16.11.2009 kl. 10:41]

Jón Steinar.

 Jóhanna hefur sagt að því aðeins verði farið að þjóðaratkvæðagreiðslunni að nægjanleg þátttaka verði.

[Finnur Bárðarson, 16.11.2009 kl. 16:38]

Skemmti mér konunglega þegar einangrunarsinnar fara af hjörum. Ekki skoða, ekki spyrja, ekki velta hlutum fyrir sér, vera hræddur. Bara draga niður asklokið.

[Frosti Sigurjónsson, 16.11.2009 kl. 18:49]

Eins og nafnið ber með sér er ekki áhugi á einangrun af neinu tagi hjá Heimssýn. Þvert á móti - þar vilja menn frjáls viðskipti Íslands við allar þjóðir.

Það er misskilningur að það sé hægt að hætta í ESB því við inngöngu ógildast fríverslunarsamningar íslands og þeir verða ekki endurvaktir við útgöngu. Það mun taka áratugi að koma þeim á aftur ef það tekst nokkurntíman.

Grænland gekk úr ESB en var áfram hluti af Danmörku. 98% af bæði inn- og útflutningi Grænlands er einmitt við Danmörku. Ég reikna ekki með því að það sé vegna þess að Danir bjóði bestu fáanlegu kjör.

Kveðja,

[Gísli Ingvarsson, 16.11.2009 kl. 22:50]

Heimsýn er það sem horfir heim. Allt annað er útúrsnúningur til að villa mönnum sýn. Fríverslunarsamningur við Kína er náttúrulega bara brandari. Fríversun við Kína til að þeir geti framleitt skóreimar á Íslandi til að selja skóna í ESB. Það hefði verið mönnum í lófa lagt að gera slíkan samning ef eitthvað hefði legið þar að baki nema diplomatiskt orðagjálfur. Að maður tali nú ekki um að Kína er engin makker fyrir örþjóð í Atlantshafinu.

Það að hægt sé að segja sig úr ESB er komið inn í Lissabon-sáttmálann. Ef Íslendingar fella samninginn við ESB þegar hann liggur fyrir verður að sjálfsögðu hægt að semja aftur síðar og kjósa um það. Noregsmenn hafa þegar kosið og fellt samninga tvisvar. Þeir munu sækja um aftur og samþykkja þá væntalega.

Íslenskir einangrunarsinnar hafa sterka málefnastöðu því við erum einusinni eyþjóð og það blundar í okkur sá misskilningur að það þýði að við séum engum háðir og getum allt án þess að fá til þess aðstoð eða að samvinna við aðra sé forsenda þess að við höfum bjargast hingað til.

Þannig er það nú einu sinni að EKKERT hér á Íslandi er mögulegt nema með gríðarlegri samvinnu við aðrar þjóðir. Þessar þjóðir sem við eigum mest undir eru ESB þjóðirnar og því afar mikilvægt að vera sem best í aðstöðu til að hafa áhfri á þeim vettvangi.

Hvað við ákveðum á Íslandi skiftir aðeins máli að það sé gert í samræmi við það sem gerist í ESB. Þannig verður það næstu hundrað árin hvort sem við stöndum utan eða innan sambandsins formlega. Það er náttúrulega hægt að streitast á móti og þykjast ekki sjá þetta en það hjálpar ekki neitt.

[Theódór Norðkvist (IP-tala skráð) 17.11.2009 kl. 00:21]

Gjaldeyrishöft, lág laun, háir vextir og atvinnuleysi eru ávöxturinn af efnahagsstjórnun undanfarinna áratuga. Allt útlit er fyrir að ungt menntað fólk muni flýja af þessu skeri í tugþúsunda tali þegar skuldafangelsi og basl fram á grafarbakkann blasir við þeim.

Hvert munu þau flýja? Jú til ESB landanna, sem eru handbendi andskotans af málflutningi sumra að dæma.

Framtíðin er að sjálfsögðu undir okkur sjálfum komin að mestu leyti. Ef hinsvegar einhver heldur að það sé framtíð í því að vera með fljótandi sjálfstæða mynt 300.000 manna þjóðar á 3-500 milljón manna markaði á sá hinn sami heima á stofnun og þá meina ég ekki Seðlabankanum.

Við erum búin að reyna það í 65 ár með ýmist óðaverðbólgu, vaxtaáþján eða hvoru tveggja. Gengisfellingar oft 30% í senn og loks algeru hruni gjaldmiðilsins.

[Steingrímur Helgason, 17.11.2009 kl. 00:30]

Robbi, auðvitað á að leyfa fólki að kjóza & hafna strax, frekar en að eyða stórfé í  reyna að uppfylla einhvern eldgamlann bjúrókratadraum.

[Hrotti (IP-tala skráð) 25.12.2009 kl. 08:17]

Vel ordadur pistill og yfirvegadur, Róbert.  Ég sé ad heimskingarnir gera athugasemdir vid hann.  Neikvaedir eru their og yfirgangssamir.  Heimskingar og hrokafullir bjánar.  HEIMSKIR.  Heimsksýn heimalninga.