Afmælishátíð!

Í tilefni 30 ára afmælis fyrstu Stjörnustríðsmyndarinnar verður haldin mikil hátíð/ráðstefna í Los Angeles dagana 24-28 maí.  Hátíðin nefnist "Celebration IV" og er skipulögð af LucasFilm, Gen Con og "The Official Star Wars fan club".  Mikið verður um dýrðir fyrir okkur Star Wars nördana, okkur gefst meðal annars tækifæri til að hitta leikara úr myndunum, skoða leikmuni og búninga, kaupa og selja safngripi/minjagripi og margt fleira.  Á síðustu Gen Con ráðstefnu sem haldin var í Indianapolis árið 2005 í tilefni Episode III mættu yfir 35 þúsund gestir.

Sjálfur ætla ég að mæta að sjálfsögðu og hef verið að skipuleggja ferðina um nokkurt skeið.   Hafi einhver íslenskur die hard Star Wars nörd áhuga á að kíkja út er viðkomandi frjálst að hafa samand og fá aðstoð/góð ráð við skipulagningu á ferðinni...nú eða verið okkur félögunum samferða héðan frá Minnesota.  Þetta verður mikið ævintýri...því get ég lofað!

May the Force be with you!

R2-D2 úr Stjörnustríði tekur við póstinum

Athugasemdir

[Steindór J. Erlingsson, 16.3.2007 kl. 22:01]

Innst inni þá öfunda ég þig af því að geta farið á þessa hátíð, enda er fyrsta Star Wars myndin eftirminnilegasta mynd sem ég hef séð.

[Róbert Björnsson, 16.3.2007 kl. 22:19]

Já, eftirminnileg er hún blessunin og eldist vel

[Haukur Nikulásson, 17.3.2007 kl. 00:51]

Það var eftirminnilegt að sitja í Nýja Bíói um árið. Þetta var hrein unun vegna þess hversu original þessi framsetning var.