Flensu-skrattinn

Það var svosem auðvitað að maður þyrfti að krækja sér í flensuna.  Mér var nær að trassa að láta sprauta mig við þessum ófögnuði.  Ég sit hér í köldu svitakófi og skelf á beinunum...er sjálfsagt með töluverðan hita og hálfgert óráð.  Þegar ég skreiddist framúr áðan var ég búinn að liggja í bælinu í 17 tíma samfleytt og með þvílíkar martraðir...fannst ég vera staddur á breskum heimavistarskóla, ca. 1950´s, og allir voru að elta mig.

En, en...það sem reddar þessu er að ég kom með góðar birgðir af Egils Malt Extrakt...og eins og allir vita er það nærandi og styrkjandi, gefur hraustlegt og gott útlit og bætir meltinguna!

Athugasemdir

[DoctorE (IP-tala skráð) 14.1.2008 kl. 12:08]

Welcome to the club... ég var með þetta í síðustu viku, mjög svo skemmtilegt NOT

[Ólafur Þórðarson, 14.1.2008 kl. 15:34]

Timburmenn og tremmi! Engar afsakanir.

Gangi þér vel með pestina.

[Róbert Björnsson, 15.1.2008 kl. 05:36]

Þetta er allt að koma...nánast hitalaus í dag...en langar ekkert sérstaklega mikið út enda 23 stiga frost og vindkæling uppá mínus 35.   

En háskólaprófessorar (eins og veffari ) hlusta ekki á neinar afsakanir þannig að ég verð nokk að drífa mig út á morgun sama hvað tautar og raular! 

[Jón Steinar Ragnarsson, 16.1.2008 kl. 10:14]

Um að gera að smita allann skólann svo það þurfi að leggja niður kennslu. Sérstaklega skal maður vera í nálægð við kennarana og anda mikið og hósta á þá.

[Margrét St Hafsteinsdóttir, 21.1.2008 kl. 01:43]

Ég fékk líka þessa ógeðslegu flensu en er orðin hress. Farðu vel með þig