Amerísk sveitalubba tónlist

Ég fór í smá bíltúr út í sveit um daginn og kveikti á útvarpinu og fór að flakka á milli rása, leitandi að NPR, en fjandakornið ég fann ekkert nema kántrí! 

Eftir smástund fór ég þó að fíla þessa yndislega hallærislegu músík og hækkaði í græjunum á meðan ég brunaði á milli korn-akrana, og fór að lokum að syngja með hástöfum vitandi það að enginn sæi til mín!

Kántrí-tónlist er reyndar ótrúlega fjölbreytt "genre" og mismunandi stefnur í gangi.  Gamla væmna Nashville, Grand Ol-Opry músíkin er t.d. allt önnur en "nútíma" kántríið.  Og hvað svo sem má segja um þessa tónlist, þá er alltaf hægt að hlægja af textunum. :-)

Ég troðfyllti tónlistarspilarann hér til hliðar af "quality" kántrí músík úr mismunandi áttum.  Gamalt og gott stöff með Dwight Yoakam, Garth Brooks, Trisha Yearwood, Alan Jackson, Hank Williams, Merle Haggard, Tobey Keith og Willy Nelson.  Endilega hlustið á eitthvað af þessu og segið mér hvað ykkur finnst.

P.S.  Varð að rýma fyrir Sousa mörsunum og fjarlægði því kántríið af spilaranum. 

Athugasemdir

[FreedomFries, 4.7.2007 kl. 00:46]

Kántrí getur verið djöfulli skemmtilegt! Ég þekki ekki nöfnin á mismunandi tegundum, nema bluegrass, sem er skemmtielgt. Hefurðu annars hlustað á Trampled by Turtles? Þeir eru undir sterkum þjóðlaga/Americana áhrifum . Og þeir eru Lókal band! (Frá Duluth).

Magnús

[Róbert Björnsson, 4.7.2007 kl. 01:06]

Takk fyrir að benda mér á Trampled by Turtles, hafði ekki heyrt um þá fyrr.  Þeir minna svolítið á The Soggy Bottom Boys sem gerðu tónlistina við kvikmyndina Oh Brother Where Art Thou.