Al Franken líklega á leið á þing

Samkvæmt frétt CNN stefnir allt í að grínistinn Al Franken ætli að bjóða sig fram gegn Norm Coleman (R) sitjandi Öldungardeilarþingmanni Minnesota fylkis á næsta ári.  Franken er sennilega þekktastur fyrir fyrir að hafa verið leikari og handritshöfundur í Saturday Night Live hér á árum áður en einnig hefur útvarpsþáttur hans "The O´Franken Factor" notið mikilla vinsælda á Air America Radio útvarpsstöðinni. 

Franken er meið eindæmum orðheppin maður og ég mæli eindregið með bókunum hans "Lies and the Lying Liars who tell them - A Fair and Balanced Look at the Right" sem og "Russ Limbaugh is a Big Fat Idiot - And Other Observations"

Sumir spyrja sig hvort grínisti sé líklegur til afreka í pólitík og hvort treystandi sé á svoleiðis lið.  En ég spyr á móti: hver segir að einungis lögfræðingar og atvinnupólitíkusar séu hæfir til þingsetu?  Það hefur sýnt sig að almenningur kýs "frægt fólk" til valda sbr. Ahnold Swarzenegger í Calí og skemmst er að minnast glímukappans Jesse Ventura sem var óvænt kosinn Governor Minnesota hér um árið.   Það sem Franken hefur samt fram yfir Arnold og Ventura er að hann útskrifaðist með B.A. í stjórnmálafræði "Cum Laude" frá Harvard!

Athugasemdir

[Ingi Björn Guðnason (IP-tala skráð) 20.1.2007 kl. 13:47]

Heyrðu þetta er merkilegt. En pólitík er náttulega grín svo það er kannski ekki vitlaust að atvinnumaður taki slaginn. En þetta minnir mig reyndar á trailer sem ég sá um daginn, úr mynd sem er nýkominn eða rétt ókominn á markað. Hún fjallar um vinsælann grínara sem ákveður að fara í forsetaframboð (upp á grín) og er svo kosinn forseti. Mig minnir að Dustin Hoffmann leiki aðahlutverkið. Kannastu við hana? Mig minnir líka að aðstandendur hennar séu þeir sömu og voru með Wag the Dog um árið.

-Ingi

[Róbert Björnsson, 20.1.2007 kl. 17:42]

Þú ert væntanlega að tala um "Man of the Hour" með Robin Williams.  Hef ekki séð hana ennþá en trailerinn lofar góðu.  Robin er náttúrulega snillingur!   Svo er Christopher Walken þarna líka og ekki skemmir það fyrir.   Ég bendi þér á að tékka á Al Franken á Youtube...t.d. síðustu heimsókn hans til David Letterman.  Fínn kall sem ég myndi sko kjósa...ef ég hefði kosningarétt!