$200 aðgangsmiði

Hinn nýji Miklagljúfurs útsýnispallur Indjánahöfðingjanna í Arizona verður sjálfsagt vel sóttur af túrhestum fyrst um sinn þrátt fyrir að aðgangurinn að herlegheitunum kosti á bilinu $49 til $199 eftir því hversu lengi þú nennir að bíða í biðröðinni.  Pallurinn tekur nefnilega ekki nema 120 manns í einu og búist er við yfir 600.000 gestum fyrsta árið.  Verðlagið er því talið eðlilegt í ljósi "supply and demand".

Fyrir þessa upphæð er reyndar hægt að fara í þyrluflug niður á botn gljúfursins, eða eiga góða kvöldstund í spilavítunum í Las Vegas...já eða við hliðina á útsýnispallinum, því blessaðir indjánarnir hugsa sér gott til glóðarinnar þar sem þeir ætla nefnilega að byggja stórt hótel og casínó rétt við gljúfurbakkann, svona til að þjóna útsýnispallsgestunum enn betur!  

Sjálfur held ég að ég láti mér nægja að gægjast fram af gljúfur-barminum fjarri þessari vitleysu næst þegar ég kíki á Grand Canyon.  Fjarri spilavítinu, án þess að bíða í tveggja tíma biðröð og án þess að borga svo mikið sem dollar fyrir það.

Indjánahöfðingjar og fyrrverandi geimfari í 1.200 metra hæð yfir Miklagljúfri

Athugasemdir

[Glaumur Fjarverandi (IP-tala skráð) 21.3.2007 kl. 11:27]

Þeir eru nú ansi margir Laugavegirnir sem komast þarna fyrir niðri í Miklagljúfri. Gæti verið gaman að hrækja ofan af pallinum og svona kannski hittir maður einhvern leiðinlegann pólitíkus beint á hausinn ... 4þús fet ... hmmm, jújú við fáum bara alla túrhestanna til að spýta samtímis. "Skyggni ágætt, skyrpingar við og við" ;-)