Afsakið hlé!

Ég mun sennilega ekki blogga mikið á næstunni enda er skólinn kominn á fulla ferð aftur, en auk þess að klára lokaverkefnið er ég að taka þátt í hönnunarsamkeppni fyrir bandarísku flugmálastjórnina (FAA) og sækja um rannsóknarstyrk.  Ég geri samt ráð fyrir að henda inn einstaka færslum svona þegar tækifæri gefast og er reyndar að skoða þann möguleika að færa mig um set (leiður á moggablogginu) og blogga á ensku svo ég nái betur til kunningja minna hérlendis.  Ef og þegar af verður mun ég pósta link á það hér.

Önnur orsök tímaskortsins er sú að pabbi gamli er í heimsókn og móðursystir mín er væntanleg í næstu viku, þannig að maður hefur í nógu að snúast með að dedúast í kringum þau.   Við pabbi skruppum á The Minnesota State Fair á mánudaginn (Labor Day) þar sem ég hakkaði í mig þennan líka fína tveggja feta langa corn-dog-on-a-stick...yum yum 

Athugasemdir

[Jón Steinar Ragnarsson, 8.9.2007 kl. 05:25]

Þú getur bara bloggað á tveim stöðum.  Þú færð að fara í smá pásu en ekki meir. Hvað á að fara að hanna?

Will miss you like crazy anyways...

[Ragnhildur Sævarsdóttir (IP-tala skráð) 8.9.2007 kl. 18:28]

Spennandi með loka-poka-verkefnið, þá fer kannski að sjá fyrir endan á þessu hjá þér.

Bestu óskir um gott gengi.

 Kær kveðja frá mér og krakkanum sem vill ekki fæðast.

[Róbert Björnsson, 19.9.2007 kl. 06:03]

Takk fyrir kveðjurnar  

Jón Steinar: já kannski maður fari að blogga tvítyngt þegar hægist um.  

Hönnunin er enn á frumstigi en fjallar um öryggi á flugbrautum (runway incursions) - Sjá hér http://platinum.ts.odu.edu/Apps/FAAUDCA.nsf/2007Design%20poster.pdf?

Ragnhildur:  gangi þér vel með fæðinguna og til hamingju með krakkann