Skandall skekur Oral Roberts "University"

Í gamla heimabæ mínum, Tulsa í Oklahoma, er starfræktur einn stærsti og virtasti kristilegi "háskólinn" í Bandaríkjunum.  Hann var stofnaður af sjónvarps-predikaranum Oral Roberts árið 1962 og er fyrirmynd skólans hans Jerry Falwell sáluga, Regent "University". 

ORU kampusinn er satt að segja einn sá flottasti sem ég hef nokkurntíma séð.  Skólinn situr á 275 ekrum lands í suðurhluta Tulsa og byggingarnar eru allar glæsilegar og gullhúðaðar.  Á níunda áratugnum fékk Roberts "köllun frá Guði" um að byggja nýja byggingu sem átti að hýsa læknaskóla.  Hann lokaði sig inni og hótaði því að Guð myndi drepa sig ef honum tækist ekki að safna $8 milljónum til verkefnisins.  Það tókst og byggðu þeir 300 metra háan turn sem í dag er eitt helsta kennileiti Tulsa borgar...en er að vísu bara notað sem skrifstofuhúsnæði.  Tæplega 6000 nemendur stunda nú nám við skólann og hagnaður skólans á árinu 2005 var $76 milljónir.

Þess má til gamans geta að skólinn hefur m.a. útskrifað sjálfan Ted Haggard sem allir muna vonandi eftir, sem og Michele Bachman (snælduvitlausan þingmann repúblikana hér í kjördæmi mínu í Minnesota )...og í Simpsons þáttunum kom fram að Ned Flanders átti að hafa útskrifast úr ORU!

Nema hvað...nú er kominn upp svaka spillingar skandall hjá ORU...surprise, surprise.

Í fyrsta lagi nýttu stjórnedur skólans áhrif sín og fjármagn til að styðja "sinn mann" í borgarstjóra-kosningum Tulsa borgar í fyrra og létu nemendur taka þátt í sjálfboðavinnu fyrir hann.  Þetta er auðvitað kolólöglegt þar sem skólinn er skattalega skráður sem "non-profit organization".

En það sem er kannski meira juicy er bruðl Roberts fjölskyldunnar úr sjóðum skólans og grunsamleg tengls Lindsay Roberts, eiginkonu forseta skólans (og kölluð "first lady" á kampusnum) við unga karlkyns nemendur skólans, sem eru undir lögaldri! (man einhver eftir Mark Foley?)

Lindsay mun hafa sent hundruð SMS skilaboða til "underage males who had been provided phones at university expense" sem voru send á milli klukkan 1 og 3 á næturnar!  Símreikningar Lindsays og ungu nemendanna mun hafa numið $800 á mánuði.  Lindsay mun líka hafa rekið húsvörð sem starfað hafði lengi við skólann til að geta gefið einum af sínum ungu vinum starfið.

Þá mun Lindsay hafa verslað sér föt í tískuvöruverslun í Beverly Hills fyrir $39,000 á reikning skólans og mun hafa sagt "As long as I wear it once on TV, we can charge it off".  Einnig sendi Lindsey dætur sínar í útskriftarferð til Orlando og Bahama á einkaþotu skólans og skrifað það sem "evangelistic function of the president".  Þá voru starfsmenn skólans oft kallaðir á heimili Roberts hjónana til að "sinna heimanámi" dætra þeirra og skólinn rekur hesthús með hrossum til einkanota fyrir dæturnar.

Auk þessa mun heimili Roberts hjónanna hafa verið endur-innréttað 11 sinnum á síðustu 14 árum á kostnað skólans og frúin ekur um á Lexus jeppa og Mercedes Bens blæjubíl sem kostaðir eru af gjafafé "ministry donors".

Svona fer Jesús með fólk í biblíu-beltinu.  Hvenær ætli ruglukollunum og féfletturunum á Omega TV detti í hug að stofna háskóla?

Að lokum er hér ágætt myndband sem sýnir skólann og kampusinn í allri sinni dýrð.

Athugasemdir

[Jón Steinar Ragnarsson, 8.10.2007 kl. 22:18]

Ekki er ég undrandi á þessu.  Hafa þeir ekki allir verið involveraðir í fjármála eða kynlífsskandala meira eða minna.  Það að taka söfnuðinn svona fjárhagslega í jakkatið gefur þeim tilefni til nafnabreytingar yfir í Anal Roberts University.

Á miðvikudaginn verður heimildamyndin Jesus Camp sýnd á RÚV og fagna ég þeirri framtakssemi þeirra.  Vona að það skapi heitar umræður hér um þessa andkrista.

[Róbert Björnsson, 8.10.2007 kl. 23:12]

Jú, þetta er bara svo lýsandi fyrir þetta ógeðslega lið og gott að þetta komist uppá yfirborðið.  Mér líst annars vel á nafnabreytingar tillöguna...mjög viðeigandi. 

Flott hjá RÚV að sýna Jesus Camp...hún opnar vonandi augu margra sem gera sér ekki grein fyrir því hversu verulega sjúkt og hættulegt þetta fólk er. 

[DoctorE (IP-tala skráð) 9.10.2007 kl. 07:36]

Ég er að verða hálf spældur yfir því hversu saklaus mín skólaár voru í svona málum :)

Gott framtak hjá RÚV að sýna hversu sick og stórhættuleg trú getur verið, þetta er ekki eins saklaust og sumir vilja meina heldur alveg öfugt