Pönnuköku Fly-in

Nú um daginn fór fram árlegur "morgunverðar-flugdagur" á flugvellinum hér í St. Cloud, en þá vaknar fólk snemma og tekur á móti alls konar flygildum frá nágrannasveitafélögum og borðar saman hrærð egg og pönnukökur með bunch af sírópi!  Það eru lókal flugklúbburinn, Civil Air Patrol og Minnesota National Guard sem standa að þessu í sameiningu og í þetta skiptið mættu m.a. gömul DeHavilland Beaver á sjóskíðum ásamt Chinook og Blackhawk þyrlum frá National Guard svo eitthvað sé nefnt.

Um næstu helgi er svo stefnan tekin á alvöru flugsýningu norður í Duluth, en þangað er von á listflugssveit sjóhersins "Blue Angels" sem er hreint stórkostlegt að horfa á (sá þá áður suður í Oklahoma)...þeir eru að mínu mati flottari en kollegar þeirra úr flughernum (Thunderbirds) sem ég sá suður í Arkansas um árið, enda líka á svalari græjum (F/A-18 Hornet).  Auk Blue Angels verða sviðsettar "árásir" með sprengingum og látum (pyrotechnics) með A-10 Warthog og F-16.  Þá verða þarna gamlar og fallegar orustuvélar úr seinni heimsstyrjöldinni svo sem P-38 Lightning og P-51 Mustang auk þess sem Patty Wagstaff mun sýna listir sínar á Extra-300.  Semsagt spennandi helgi framundan og nú er bara að muna eftir sólar-vörninni og moskító-fælunni.

 

Athugasemdir

[Heimir Tómasson, 14.7.2008 kl. 12:34]

Djö... að hafa ekki komist í þetta! Það sem verra er, það var akkúrat síðustu helgi heljarinnar flug- og flotasýning í Seattle. En svona er þetta, það koma fleiri sýningar. Er eitthvað á stefnuskránni að ferðast og komast á sýningar?

[Róbert Björnsson, 14.7.2008 kl. 16:44]

Já það er gaman að þessum sýningum...þú verður að ná einni við tækifæri...sérstaklega ef Blue Angels eða Thunderbirds eru á dagskránni.   Fyrir utan Duluth (þriggja tíma akstur) hef ég ekki skipulagt að fara á aðrar sýningar...en ég væri alveg til í að kíkja á Oshkosh (í Wisconsin)... veit ekki hvort það verður af því.