Föðurbetrungurinn Ron Reagan

Íhaldssamir Repúblíkanar og hugsjónabræður þeirra á Íslandi dá og dýrka Ronald Reagan sem aldrei fyrr.  Dýrðarljómi hans lifir í hjörtum þeirra líkt og um heilagan spámann væri að ræða.  Ungir Repúblíkanar hengja slefandi upp myndir af honum á vegg hjá sér líkt og 13 ára gelgjustelpur hengja upp plaköt af Justin Timberlake og ungir Sjallar mynd af Davíð Oddssyni.

Allir forseta-frambjóðendur Repúblíkananna kepptust við að líkja sjálfum sér við Reagan og John McCain gerir nú mikið úr því að hann hafi verið lærisveinn hans og að þeir hafi verið nánast eins og feðgar!  Það er því yndisleg kaldhæðni örlaganna að raunverulegur sonur og nafni Reagans gamla skuli vera hataður og fyrirlitinn af helstu aðdáendum föður síns.

Ron Reagan er yngsti sonur þeirra Ronalds og frú Nancy og var ávallt álitinn svarti sauðurinn í fjölskyldunni og ættinni til skammar enda virtist drengurinn vera flaming gay! (nokkuð sem hann neitar reyndar ennþá...en það gerði Cliff Richards líka þangað til í vikunni )

Ron junior hætti á sínum tíma í Yale háskólanum til þess að leggja fyrir sig Ballet-dans og dansaði um tíma með hinum virta Joffrey Ballet danshópi í New York.  Athygli vakti að foreldrar hans mættu aldrei á sýningu og sáu hann aldrei dansa.

Ron hefur starfað við ýmislegt um ævina, stýrt sínum eigin spjallþætti, verið hundaræktandi og lýst hundasýningum í sjónvarpi, verið dálkahöfundur í tímaritum á borð við Newsweek, Esquire og Ladies´ Home Journal.   Þá hefur Ron verið gestastjórnandi stjórnmálaþátta á MSNBC og nýr útvarpsþáttur hans fer í loftið á mánudagin á útvarpsstöðinni Air America sem þykir frekar vinstri-sinnuð.

Þrátt fyrir að Ron segist vera óháður í pólitík hefur hann í gegnum tíðina stutt frambjóðendur Demókrata og hann hefur verið andvígur stríðinu í írak frá upphafi og ítrekað gagnrýnt Bush stjórnina harkalega.  Ennfremur hefur hann látið til sín taka sem aktívisti en hann hefur barist ötullega fyrir stofnfrumurannsóknum og fyrir því að finna lækningu við AIDS (ólíkt föður hans sem neitaði að veita opinberum fjármunum í rannsóknir á AIDS...enda bara "hommasjúkdómur").  Það má að miklu leiti kenna stefnu Ronalds Reagan um hinn hörmulega faraldur sem geisaði á níunda áratugnum.

Ron hefur sagst vera trúlaus og talað um það opinskátt í viðtölum og hefur það eitt og sér farið skelfilega fyrir brjóstið á Reagan-istum.  Hann býr nú í Seattle ásamt eiginkonu sinni Doriu sem er sálfræðingur og búddisti.  Þau eru barnlaus en eiga saman þrjá ketti.

P.S.  Ron á ágætan brandara hér hjá Bill Maher

Athugasemdir

[Róbert Björnsson, 7.9.2008 kl. 19:55]

Jamm, Bill er mættur aftur á skjáinn og fyrstu tveir þættirnir ollu ekki vonbrigðum.

[Magnús Geir Guðmundsson, 7.9.2008 kl. 20:25]

Góð skrif, en kannski aðeins of mikið í lagt að nefna Ron Jr. í sömu mund varðandi Sir Cliff og meinta samkynhneigð, ílla geymt leyndarmál svo lengi sem ég man, að sá breski væri hommi.Góð grein hjá þér sömuleiðis hér að neðan um "skessuna" sem McCain hefur valið sér, veitir ekki af að upplýsa hvurslags lið þetta er, þó reynt sé að þagga sumt niður um hana.

[DoctorE (IP-tala skráð) 8.9.2008 kl. 08:34]

Menn verða sjálfvirkt betri í hausnum við að trúa ekki... :)

[Ólafur Þórðarson, 8.9.2008 kl. 11:35]

Ha, hvað er hommi?

[Róbert Björnsson, 8.9.2008 kl. 18:37]

Takk Magnús, já við skulum nú leyfa Ron Jr. að njóta vafans...kannski hann sé jafn straight og Jónsi flugþjónn í Svörtum Fötum! 

DoctorE:  dittó!

Veffari:  Það getur verið mjöög teygjanlegt hugtak! hehe

[Hlynur Hallsson, 8.9.2008 kl. 21:31]

Takk Róbert fyrir þennan fróðlega og skemmtilega pistil um Ron Reagan. Hann er greinlega snillingur. Bestu kveðjur westur,

[Bumba, 9.9.2008 kl. 07:30]

Þakka þér fyrir góðan pistil Róbert. Bið að heilsa. Með beztu kveðju.

[Ólafur Þórðarson, 9.9.2008 kl. 07:49]

Heyrðu, er þetta eitthvað skylt kommúisma?

[Róbert Björnsson, 9.9.2008 kl. 16:30]

Takk sömuleiðis Hlynur og Jón.

Veffari:  Ef allir Nonnar eru hommar, og sumir hommar eru kommar, eru þá allir kommar Nonnar?