Al Franken loks mættur til Washington

Níu mánuðum eftir kosningar er Minnesota-ríki loksins komið með sinn annan fulltrúa í Öldungardeildinni eftir að dómstólar hafa kveðið upp úrskurð sinn um að Al Franken sé löglega kjörinn þingmaður að lokinni  endurtalingu atkvæða sem leiddi í ljós að Franken sigraði Norm Coleman sitjandi Senator með um 300 atkvæða mun.  Franken sór embættiseið sinn í vikunni og sá Joe Biden varaforseti um þann gjörning.

Franken er sextugasti þingmaður Demókrata í Öldungadeildinni sem er gríðarlega mikilvægt því með 60 atkvæðum geta Demókratarnir fellt málþófstilraunir Repúblikana og komið sínum málum í gegn án þess að þurfa að reiða sig á atkvæði frá andstæðingunum.  Nú gefst því kjörið tækifæri til þess að koma í gegn mörgum þeim málum sem Obama lofaði í kosningabaráttu sinni svo framarlega sem Obama hætti þessari linkind sem einkennt hefur fyrstu mánuði hans í embætti og hann þori að taka af skarið í umdeildum málum.  Nú er tækifærið til þess að hreinsa ærlega upp skítinn eftir valdatíð Bush.

Al Franken er sennilega með frjálslyndustu þingmönnum Demókrata og það fer ægilega fyrir brjóstið á íhaldsmönnunum sem líkja þessu við að Rush Limbaugh hefði verið sextugasti þingmaðurinn í stjórnartíð Bush - nú sé Obama og vinstri klíkan með alger völd!   Sem er auðvitað hárrétt og því veltur framtíð Demókratanna og Obama sem forseta á því að standa við stóru orðin um "Change we can believe in".  Now is the time to act!  

Al Franken er ekki beinlínis hinn hefðbundni pólitíkus enda er hann betur þekktur sem skemmtikraftur og leikari.  Hann var handritshöfundur og leikari í hinum geysivinsælu Saturday Night Live þáttum í gamla daga og fékk fjölda Emmy verðlauna fyrir þáttöku sína í SNL.  Franken skrifaði sömuleiðis fimm metsölubækur, þar á meðal hina frábæru "Rush Limbaugh is a Big Fat Idiot - and other observations".  Einn frægasti karakterinn hans var sjálfshjálpar-gúrúinn Stuart Smiley og gerð var kvikmynd um hann árið 1995 (sjá myndbrot).  "I´m good enough, I´m smart enough and doggone it people like me!"

Franken er einkar vel gefinn og útskrifaðist með láði frá Harvard háskóla.  Ég var svo lánssamur að hitta Al Franken og konu hans Frannie nokkrum sinnum í fyrra þegar hann stóð í kosningabaráttunni.  Ég spjallaði við hann þegar hann mætti á kosningafund í skólanum mínum og tók svo í spaðan á honum á Minnesota State Fair hátíðinni og á Gay Pride í Minneapolis þar sem hann tók þátt í hátíðarhöldunum.  Afar viðkunnanlegur og alþýðlegur kall sem ég efast ekki um að mun standa sig vel sem Öldungardeildarþingmaður og mun verða Minnesota ríki til sóma.

Hér má sjá sigurræðu Franken´s:

Athugasemdir

[Ólafur Þórðarson, 11.7.2009 kl. 21:25]

Já þegar ég horfði á sjónvarp hér þótti mér Stuart alveg kostulegur. Frábært atriði. Vonandi verða leikatriðin hans á þingi jafn góð og til hamingju með gæjann, þarna í litlu-Skandinavíu! Að vísu er ekki hægt að spila videoið og fór ég næstum að gráta. Svona getur maður verið viðkvæmur.

[Ninni (IP-tala skráð) 11.7.2009 kl. 23:25]

Mjög ánaegjulegt.  Ég er náttúrulega sammála thér í einu og öllu í thessari faerslu.  Thetta haegra gengi í USA er vidbjódur.  Obama er of linur.  Mig langar til thess ad sjá einhverja hörku gegn spillingunni og fyrir baettum kjörum allmennra borgara, ekki bara banka og fyrirtaekja.

Einnig tharf utanríkistefnan ad breytast mjög mikid.  Skera tharf öll tengsl vid glaepa og mordingjaríkid Ísrael.  En thad er audvitad bara óskhyggja thví gydingarnir halda í alla thraedi í USA og allir vita ad Israel er "jewish state"  Ég er thó ekki ad setja alla gydinga undir sama hatt.  Einugis ad benda á ad gydingaríkid Ísrael er glaepa og mordingjaríki.  Ég segi enn og aftur ad gydingar í edli sínu eru hvorki betri né verri en adrir menn t.d. íslendingar, en thad sem gydingaríkid Ísrael hefur stadid fyrir eru thjófnadur, glaepir og fjöldamord.

Utanríkisstefna USA hefur byggst á vidbjódslegum glaepum gegn thjódum og mordum á fólki sem ekki er rádamönnum USA ad skapi.

[Ólafur Þórðarson, 11.7.2009 kl. 23:31]

Ninni, ég held þú verðir að athuga að utanríkisstefna USA hefur verið margslungin og mjög flókin. Upbbyggingarstarf í Evrópu eftir stríð má ekki vanmeta og ýmsa góða hluti hafa Bandaríkjamenn gert, en það er nú líka bara svo að innan BNA eru spillingaröfl sem einnig beina spjótum að Bandaríkjamönnum sjálfum. Þetta er fyrst og fremst spillingarvandamál ekki bara vandamál með Bandaríkin. Því miður hafa Íslendingar verið svo vitlausir að apa upp eftir þessum spilingaröfum og því er sem komið er á Íslandi.

[Róbert Björnsson, 12.7.2009 kl. 01:13]

Sælir strákar - jamm utanríkisstefna USA hefur verið flókin í gegnum tíðina og þrátt fyrir að þeir hafi gert ýmsa góða hluti eins og veffari bendir á hafa þeir líka oft fórnað réttvísinni fyrir skammtíma gróða og hagsmuni spilltra og siðlausra stjórnmálamanna og stórfyrirtækja.  Vonandi breytist það eitthvað í stjórnartíð Obama og Stuarts Smalley!

Ninni:  Varðandi Ísrael þá hafa þeir svolítið hagað sér eins og ofdekruð börn sem ganga sífellt lengra og lengra...vitandi að USA hefur alltaf staðið með þeim.  En eftir innrásina á Gaza  í vetur þar sem þeir frömdu ekkert annað en stríðsglæpi gegn saklausu fólki hefur reynt mjög á samband Ísraels og Bandaríkjanna.  Harðlínumennirnir sem nú eru við völd í Ísrael eru skíthræddir við Obama en vona að þeirra innanbúðarmaður í Hvíta Húsinu Rohm Emmanuel tryggi áfram þeirra hagsmuni.  Ég held samt að þeim verði gert það ljóst að þeir komist ekki upp með alveg hvað sem er eins og hingað til. 

Hvað svo sem segja má um Ísrael mega þeir þó eiga að þeir eru eina lýðræðisríkið í miðausturlöndum og mannréttindi þar í landi eru meiri þar en gerist og gengur á svæðinu (nema fyrir Palestínumenn því miður).  Það mun því miður seint verða friður í þessu "heilaga" landi þökk sé trúarbragða-ofstækinu á báða bóga.  Eins og ég hef alltaf sagt...trúarbrögð eru rót alls ills í heiminum.

En svo við höldum aðeins áfram með utanríkisstefnu USA og hræsnina í henni - þá er merkilegt að þeir telja Írani t.d. versta fólk á meðan Sádi Arabar eru þeirra helstu bandamenn.  Vissulega er margt slæmt í Íran en Sáda-djöflarnir eru þó hundrað sinnum verri.  Þar er trúarofstækið enn verra en í Íran og mannréttindabrot þar mun skelfilegri...og já Osama og allir hans 9/11 hreðjaverkjamenn voru Sádar.   En viti menn...þeir eiga ódýra olíu...en Allah hjálpi þeim eftir örfá ár þegar hún klárast....þá munu þeir eiga fáa vini.