Samanburður á fasteignaverði

Fasteignaverð á Íslandi er orðið mjög svo áhugavert fyrirbæri, ekki síst í Reykjavík þar sem nú býðst blokkar-íbúð með útsýni yfir Kollafjörðinn fyrir litlar 230 milljónir króna.  Mér datt í hug að gera smá samanburð og sjá hvað ég gæti fengið fyrir sama pening hér vestra.  230 milljónir króna jafngildir ca. 3.6 milljónum dollara en það er svipað verð og körfuboltastjarnan Kevin Garnett var að greiða fyrir 20 herbergja lúxus villu í dýrasta úthverfi Minneapolis nýlega.

Hér má svo sjá hús á Palm Beach í Flórída sem kostar einmitt 3.6 milljónir dollara.  Fyrir mitt leiti þá findist mér þetta nú betri díll!

Annars er gangverð á "penthouse" íbúðum í háhýsum í Minneapolis u.þ.b. 800-900 þúsund dollarar (ca. 50 milljónir kr.) og hér í St. Cloud er algengt verð fyrir stórt tveggja hæða einbýlishús á bilinu 200-350 þús. dollarar (12-22 m.kr).

 

Þetta reisulega hús í nágrenninu kostar reyndar $550 þúsund (34 m.kr.) en mér skilst að maður fái varla raðhús á Selfossi fyrir svoleiðis slikk.

Vill einhver skipta á sléttu?

 

 

 

Þakíbúð fyrir 230 milljónir? Skiptar skoðanir meðal fasteignasala

Athugasemdir

[Margrét St Hafsteinsdóttir, 14.6.2007 kl. 16:45]

Verðið á fasteignun hérna er bara klikkun og ekkert annað. Svo mikil græðgi hérna á mörgum sviðum. Það endar með því að það verður bara hægt fyrir milla að búa hérna og þá fer nú ekki vel myndi ég segja, allir aðrir farnir eitthvað annað

[Róbert Björnsson, 14.6.2007 kl. 16:50]

Sem betur fer eiga Íslendingar mikið af tjaldvögnum og hjólhýsum!   

[Viðar Eggertsson, 14.6.2007 kl. 17:17]

ég sé fram á unaðsleg efri ár!

Sel íbúðina mína í Reykjavík og lifi nægtarlífi í sól og sumri í Kaliforníu eða einhversstaðar í USA. Skoða málið...

[Róbert Björnsson, 14.6.2007 kl. 17:45]

Já mér líst vel á það Viðar!    Slíkar pælingar eru a.m.k. ekki eins fráleitar eins og þær hljóma fyrst eins og staðan er orðin í dag.