Hæstiréttur Repúblikanaflokksins

Þá er úrskurðurinn kominn í þessu fordæmisgefandi máli.  Ég hef fylgst með þessu í nokkurn tíma og endurbirti hér fyrir neðan blogg mitt frá 3. mars síðastliðnum.  Dómurinn fór 6-3 og er nokkuð augljóst að þeir þrír hæstaréttardómarar sem skipaðir hafa verið af George W. Bush valda kristnum öfgahægri-mönnum ekki vonbrigðum og stjórnarskráin virðist þeim ekki lengur nokkur hindrun.  Nú er sem sagt málfrelsið orðið "limited" í þessu landi ef þú ert nemandi (þó þú sért ekki inná skólalóðinni).  

Endurbirt efni frá 3. mars:

Það er margt skrítið hérna í landi hinna frjálsu.  Nú á að banna fólki að borða sælgæti með vissum bragðefnum! 

Vilja banna sölu á kannabissælgæti

  Ég á hreint ekki til orð!  Hvað næst...á að banna sælgæti sem er með of miklu lakkrísbragði eða of mikilli piparmyntu?   Það er ekki eins og þetta nammi innihaldi THC...hvað gefur ríkinu leyfi til að ráðskast með bragðlauka fólks???   Bévaðir afturhaldskommatittir!

Svo er Hæstiréttur bandaríkjanna að taka fyrir mál fyrrverandi menntskælings frá Alaska sem var rekinn úr skóla fyrir að halda á borða sem sagði "Bong hits 4 Jesus".  Nemandinn var 18 ára gamall og við það að útskrifast frá Juneau High School þegar kyndilberi vetrar-Ólympíluleikanna hljóp í gegnum bæinn og framhjá skólanum hans.  Sjónvarpið var á staðnum og til þess að vekja á sér smá athygli með prakkaraskap ákvað nemandinn að útbúa borðann og hélt á honum hinum megin við götuna frá skólanum, þannig að hann var ekki einu sinni á skólalóðinni.  Þrátt fyrir það var hann umsvifalaust rekinn úr skólanum fyrir að brjóta "anti-drug policy" skólans.   Að sjálfsögðu fór nemandinn í mál með aðstoð ACLU þar sem þetta var klárlega brot á málfrelsi hans sem er varið í fyrstu viðbót bandarísku stjórnarskrárinnar.

Það er svolítið kaldhæðnislegt að verjandi skólans í þessu máli er enginn annar en lögfræðingurinn Kenneth Starr sem er frægastur fyrir að vera aðalsaksóknarinn í Moniku-hneykslismáli Bills Clinton um árið.  Starr tók þetta mál meira að segja að sér "pro bono" enda segir hann þetta vera prinsipp-mál.  Það eigi ekki að líðast að unga fólkið láti hvað sem útúr sér, og það nálægt skólanum sínum!

Þess má geta að Hæstirétturinn hefur varið rétt meðlima Westboro Baptista-kirkjunnar til þess að mótmæla í jarðarförum hermanna með skiltum sem á stendur "God Hates Fags" og fleiru í þeim dúr.  Auk þess sem Ku Klux Klan hefur fullan rétt til þess að marsera um götur og breyða út sinn ófögnuð í skjóli þeirra "First Amendment Rights"

En "Bong hits 4 Jesus" er sennilega mun skaðlegri boðskapur og hættulegri þjóðfélaginu!  

Umdeildu máli um málfrelsi og kannabisboðskap lokið

Athugasemdir

[DoctorE (IP-tala skráð) 25.6.2007 kl. 22:48]

Fyndið ég var einmitt að segja á mínu bloggi að það virtist sem hinir ýmsu trúarsöfnuðir hafi einkarétt á að móðga og traðka á fólki.

[Margrét St Hafsteinsdóttir, 25.6.2007 kl. 23:16]

Þetta er gengið út í öfga öfganna. Meira bullið. Þarf að fara að henda einhverju kærleiksdufti yfir þennan skríl og þessa asna. 

[Geiri (IP-tala skráð) 26.6.2007 kl. 00:54]

Hvenær ætla þeir svo að banna LEAP? Að skerða tjáningarfrelsið er alltaf hættulegt, eitt skref bíður upp á það næsta. Virðist vera auðveldara að skerða frelsi þegar það er í nafni stríðs. Stríðið gegn hryðjuverkum, stríðið gegn fíkniefnum... Eru stríðin ekki bara afsakanir fyrir auknum völdum á kostnað almennings?

Þeir leyfa KKK þarna fyrir vestan og afsaka það alveg örugglega með tjáningarfrelsinu, ættu að reyna að vera samkvæmir sjálfum sér. 

[Ólafur Þórðarson, 26.6.2007 kl. 07:13]

If you Don´ lækit hér,gó bak 2 where you keim from.

Hverju svarar Róbert ef á hann er gubbað svona frasa?

[Róbert Björnsson, 27.6.2007 kl. 01:39]

DoktorE, Margrét og Geiri:  takk fyrir kommentin, hjartanlega sammála ykkur.

veffari: það færi kannski eftir stærð þess sem gubbaði þessu á mig og hvort viðkomandi væri með gleraugu! ;-)

Nei, annars...ég myndi sennilega vera dipló og segja að viðkomandi væri eitthvað að misskilja mig.  Þrátt fyrir allt þá líki mér nú ágætlega hérna að flestu leiti, og að margt sé nú ekkert skárra þaðan sem ég kom, því miður.

En...stundum er maður bara alveg að gefast upp á þessu landi.  Þetta er ekki sama fyrirheitna landið og maður sá í hyllingum þegar maður kom hingað fyrst, í stjórnartíð Bubba Clintons.  Auðvitað var maður líka ungur og vitlaus þá...og það tók sinn tíma að sjá raunveruleikann í gegnum glamúr-ímyndina.

En sennilega er grasið alltaf grænna hinum-megin.  Ég er ekki fyrr kominn til Íslands fyrr en ég er farinn að kvarta yfir því hvað allt sé ömurlegt á Íslandi og frábært í Ameríku.  Kannski er ég bara eitthvað klikk.