Verð viðstaddur sigurræðu Obama í kvöld

Loksins, loksins virðist vera kominn endir á þessa eilífðarvitleysu og minn maður er kominn með útnefninguna.

Obama er mættur hingað til Minnesota og ég er á leiðinni niður til St. Paul þar sem hann mun halda ræðu í kvöld í Xcel Energy Center (þar sem flokksþing Repúblikana verður haldið síðla sumars).  Fastlega er búist við að hann flytji mikla sigurræðu í kvöld og beini athyglinni nú loks að John McCain.

Það er búist við húsfylli (ríflega 20 þúsund manns) þannig að mér er ekki til setunnar boðið...læt mig hafa það að standa í biðröð í nokkra klukkutíma til að komast inn.

Vídeókamera verður með í för og ég lofa vídeóbloggi í nótt eða fyrramálið! ;-)

Clinton mun játa sig sigraða

Athugasemdir

[Hansína Hafsteinsdóttir, 3.6.2008 kl. 22:01]

Verða ekki allar myndavélar, vídeóvélar og gemsar bannaðir öryggisins vegna?

Hlakka samt til að sjá myndir frá þér.

[Haraldur Davíðsson, 4.6.2008 kl. 01:43]

Láttu nú ekki NSA bösta þig....hehehe

Annars held ég að hann sé búinn að vinna þegar þetta er skrifað, svo TIL HAMINGJU MEÐ ÞINN MANN !

[Róbert Björnsson, 4.6.2008 kl. 07:37]

Myndavélin slapp inn :)   En vinur minn var böstaður með vasahníf og naglaklippur og  telst heppinn að hafa ekki verið sendur með það sama til Guantanamo!