Haustlitirnir

Haustið er fagurt hér í Minnesota og fátt er betra fyrir geðheilsuna á þessum síðustu og verstu en að fara út í göngutúr og virða fyrir sér náttúruna.  Við félagarnir gengum meðfram Mississippi fljótinu í gær í 22° hita og hressandi úða.  Myndavélin var að sjálfsögðu með í för.   (afsakið léleg myndgæði...mæli sterklega með að þið smellið hér og veljið "watch in high quality")

Einn prófessoranna minna hafði svo samband við mig um helgina og kallaði mig á sinn fund í dag.  Prófessorinn hafði fengið heimsókn frá hausaveiðara í leit að útskriftarnemum og hann ákvað að segja frá mér og þeim verkefnum sem ég hef unnið að.  Hausaveiðarinn var víst áhugasamur um að heyra í mér og bað prófessorinn um að skila til mín nafnspjaldinu sínu ásamt kynningarpakka frá fyrirtækinu...já og kaffi-hitabrúsa!
Fyrirtækið sem um ræðir er alhliða verkfræðistofa sem sérhæfir sig m.a. í flugvöllum.  Höfuðstöðvarnar eru í Fargo, ND...af öllum stöðum...en ég ætla engu að síður að reyna að grípa gæsina og hafa samband við hausaveiðarann.  Hér er vefsíðan þeirra.

Athugasemdir

[Heimir Tómasson, 14.10.2008 kl. 08:07]

Gangi þér vel með það!

Kveðja frá Sívætlu.

[Róbert Björnsson, 14.10.2008 kl. 08:18]

Takk fyrir það og bestu kveðjur westur á Pacific Standard Time Zone

[Ingi Björn (IP-tala skráð) 14.10.2008 kl. 11:14]

Uss það er ár og dagur síðan ég hef litið hingað inn! Frábært að heyra af þessu tækifæri Róbert. Heheh Fargo minnir mann nú bara á kvikmyndina góðu, sem gefur kannski ekki bestu myndina f þessum bæ.

[Alla (IP-tala skráð) 14.10.2008 kl. 12:45]

Sæll Róbert,
til hamingju með þetta tækifæri. Ég vona að þú fáir út úr því allt sem þú óskar þér.

Skemmtilegt myndandið ykkar félaganna.  Er það kæró sem tók upp?

[Róbert Björnsson, 14.10.2008 kl. 18:23]

Ingi:  Hehe...kannski er Fargo eitthvað skárri að sumri til...svona eins og Ísafjörður, eh?     En talandi um myndina...var að sjá "Burn After Reading" um daginn....nýjustu afurð Coen bræðra...alger snilld...húmorinn minnir mikið á Fargo.

Alla:  takk fyrir það... nei myndatökumaðurinn er mér vissulega mjög kær...en ekki beint "kæró" hehe

[Ólafur Þórðarson, 15.10.2008 kl. 23:54]

ND=Bush country?

Eru þeir komnir úr scalping í afhausanir?

[Róbert Björnsson, 16.10.2008 kl. 04:55]

Jú mikið rétt...North Dakota er skelfilegt Bush country...  og ekki beint diverse demographics...96% hvítir öfgakristnir sveitalubbar og gamlingjar.... maður fær martraðir af tilhugsuninni hehe...  ég gæti allt eins flutt til Alabama!

En...spurning hvað maður leggur á sig til að losna við að fara heim á Klakann

[Binni (IP-tala skráð) 21.10.2008 kl. 23:13]

Passaðu þig á mönnum með viðartætara!