Skilaboð til Jóns Vals og félaga

Vinsamlegast horfið á þetta myndband.   Og konur, til hamingju með daginn!

Mitt Romney the Fudgepacker!

Rakst áðan á þessa skemmtilegu mynd af forsetaframbjóðandanum, Mormónanum og Repúblikananum Mitt Romney.  Sennilega er hann þarna á fundi hjá "Log Cabin Republicans" og gæti verið að segja: “Best to play safe when packin’ fudge.”

 

 

 

P.S.   Obama for President! 

 

 

 

 

 

 

 

 

Bílarnir mínir í Tulsa

Það er ekki oft sem landinn fær fréttir frá Tulsa, Oklahoma, enda má þessi annars vinalega borg kannski muna fífil sinn fegurri eftir að olíu-bransinn hrundi.  Ég bjó í Tulsa í tæp tvö ár, 2000-2001 og á margar ljúfar minningar þaðan eins og svo margir Íslendingar sem stunduðu nám við hinn fornfræga Spartan School of Aeronautics.  Varðandi tímahylkið þá bloggaði ég reyndar aðeins um þetta í janúar þegar fjallað var um hvað stæði til í sumar.

Tulsa er mikil bílaborg og mér varð auðvitað hugsað til bílanna sem ég átti í Tulsa og velti því fyrir mér hvar þeir væru niðurkomnir núna og í hvernig ástandi. 

Svona litu þeir út - '88 Oldsmobile NinetyEight og '94 Lincoln Continental.  Miklir gæðingar hvorutveggja. 

Drossía geymd í jörðu í hálfa öld

Lúðrasveitar-minningar

Seytjándi júní var alltaf stór dagur fyrir okkur lúðrasveitarfólkið.  Í mörg ár tók ég þátt í því að marsera um götur Selfoss-bæjar í skrúðgöngu-múnderingu, blásandi af öllum mætti í langan rör-bút úr blikki.  Ég get ekki sagt að maður hafi beðið þessa atburðar með mikilli eftirvæntingu ár hvert, heldur kannski frekar ákveðnum kvíða, því skrúðgöngur geta breyst í verstu martraðir lúðrasveitarmanna.

Fyrir það fyrsta þá er nú sjaldgæft að það viðri vel til gönguferða á Íslandi, þann 17. júní.  Oftar en ekki kom maður heim holdvotur og kaldur og maður mátti teljast heppinn ef maður lagist ekki í rúmið eftir þessa raun. 

Í skrúðgöngu þá heldur maður réttum stað í "formation", svo ekki þýðir að forðast drullupolla á götunni né heldur hrossaskítinn undan truntunum sem skátarnir og fánaberarnir leiddu á undan okkur.  Yfirleitt voru blankskórnir því orðnir frekar subbulegir þegar heim var komið.

Það þarf svo að vera í sæmilegu formi til að geta haldið réttum takti og gönguhraða og um leið haldið á þungu hljóðfæri og blásið í það af fullum krafti án þess að mæðast.  Það þarf góð lungu í þetta og ég minnist þess reyndar ekki að nokkur í lúðrasveitinni minni hafi reykt tóbak.

Veðrið var samt sem áður sagði versti óvinurinn.  Oft var svo kalt að varirnar á manni urðu dofnar og frusu nánast fastar við munnstykkið.  Ekki höfðu fingurnir það mikið betra en það var samt nær ógjörningur að spila með vettlinga.  Rokið var svo heldur ekki til að auðvelda hlutina, en í eitt skiptið man ég að hálf lúðrasveitin missti nóturnar sínar eitthvað út í Tryggvagarð í einni vindhviðunni.  Það kom svosem ekki að sök, enda kunnu flestir sína laglínu utanað eftir að hafa látið plata sig út í þessa vitleysu nokkrum sinnum áður.

Þeir sem að stunda þetta gera það þó með glöðu bragði þrátt fyrir allt saman.  Þetta þjappaði hópnum saman og Það var fátitt að menn skrópuðu í skrúðgöngu.  Flest okkar fundu til einhverrar skyldu-tilfynningar, bæði gagnvart félögum okkar í lúðrasveitinni, sem og gagnvart bænum okkar...því það er auðvitað enginn þjóðhátíð í hjarta fólks ef það er engin lúðrasveit til að stýra skrúðgöngunni!

Kær kveðja til allra lúðrablásara nær og fjær!

 

Hátíðahöld hafa gengið mjög vel um land allt

F-16 er gallagripur

Það er ekki alls kostar rétt að það sé "afar sjaldgæft" að F-16 þotur "hrapi".  Síðan 1979 hafa raunar yfir 500 stykki verið afskrifuð.  Frændur okkar Norðmenn fengu 72 stykki afhend í lok áttunda áratugsins og af þeim hafa þeir krassað 17.  Það verður að vísu að viðurkennast að C týpan (Block 60) hefur staðið sig betur en A týpan enda með uppfærðan avionics pakka og kraftmeiri hreyfil. 

Hér er annars ágætt vídeó af óhappi hjá Thunderbirds sýningarliði USAF.  Og já...þetta er ekki vélinni að kenna.

F-16 orrustuþota Bandaríkjahers hrapaði í Írak

Eatin' Good in the Neighborhood ®

Applebee's er ein af mínum uppáhalds veitingahúsakeðjum og því leiðinlegt að heyra af þessum mistökum með pelann.  Ég mæli sérstaklega með Bourbon Street steikinni...10 oz. steik með skvettu af Cajun kryddi serverað með maríneruðum lauk, sveppum, grilluðum aspas, hvítlauks-kartöflumús og ristuðu hvítlauksbrauði...allt fyrir $11.99.

Annars er Perfect Margharitan® þeirra líka ljómandi góð með steikinni þannig að ég skil ekki hvað krakkinn var að gretta sig. 

1 1/4 oz. Cuervo® Gold OR 1800 tequila
3/4 oz. Cointreau®
3/4 oz. Grand Marnier®
1 oz. sweetened lime juice (like Roses®)
3 oz. sweet & sour mix

Tveggja ára gamalt barn fékk áfengi í stað eplasafa

Andvökunótt í Wal-Mart

Stundum skiptir ekki máli hversu margar kindur maður reynir að telja í huganum eða hversu oft maður byltir sér í bælinu...allt kemur fyrir ekki og maður er glaðvakandi, pirraður og fúll yfir því að geta ekki sofið.

Klukkan er hálf-fjögur, það er heitt og rakt og allir gluggar opnir uppá gátt (með pödduskerma) en það dugar ekki til...hávaðinn í loftkæli-maskínunni er slíkur að ógjörningur er að reyna að sofna með hana í gangi auk þess sem maður fær alltaf kvef í kvert skipti sem kveikt er á gripnum.

Ég gefst upp á rúminu og sest út á svalir og hlusta á engisspretturnar tísta í grasinu og verð var við leðurblöku sveima um á milli trjánna veiðandi moskítóflugur...kem mér þó inn aftur áður en flugurnar byrja að veiða mig.  Fyndið hvernig fæðuhringurinn virkar.  Hver étur leðurblökurnar?

Ég kveiki svo á sjónvarpinu...eða öllu heldur skjávarpanum, því ég á ekkert venjulegt sjónvarp.  Ég er með digital kapal-box sem ég tengi beint við skjávarpa og horfi svo á herlegheitin á 80" tjaldi.  En núna fær maður bara ofbirtu í augun og þrátt fyrir að surfa í gegnum einhverjar 120 rásir virðist vera sami sjónvarpsmarkaðurinn alls-staðar.  Það á að koma inná mann Dysan ryksugu, Foreman grilli, blandara og Bowflex heima-gymmi allt í einum pakka...for only three amazing low payments of $79.99 and thats not all!  Act now and get a free Bonus with your order...call the number on your screen now...our telephone operators are standing by!  *Click*

Ég stend upp og opna ísskápinn.  Ég veit ekki af hverju ég geri það því ég veit að hann er alltaf jafn tómur.  Tómatssósa, smjör, tóm ferna af appelsínusafa og egg sem eru komin nokkrar vikur fram yfir síðasta söludag.  Þetta gengur ekki...ég þarf annaðhvort að fá mér butler eða kærasta sem nennir að elda.  Ég velti því fyrir mér að opna dós af ORA grænum baunum sem er það eina sem ég sé ætilegt í eldhússkápnum, en nei fjandakornið...ég verð að geyma þær til betri tíma.  Hins vegar er ég kominn með slæmt tilfelli af the munchies og ákveð að fara í verslunarleiðangur um miðja nótt.

Það eru ekki margir á ferli á þessum tíma sólarhringsins, mæti tveimur löggubílum á leiðinni útí Wal-Mart.  Venjulega versla ég ekki í Wal-Mart ef ég mögulega kemst hjá því, af pólitískum ástæðum, en það er ekki margt opið 24-hours.  Að vísu er Cub-Foods opið líka, en í dag læt ég mig hafa það og strunsa inní Wal-Mart.  Það er ágætt að koma inní kuldann, en loftkælingin er á full blast innandyra en samt perlar svitinn af áfyllingafólkinu sem rífur uppúr pappakössum og raðar í hillurnar af mikilli lagni.

Það er alltaf svolítið skemmtilegt en spúkí að fara í Wal-Mart að nóttu til því þá sér maður fólkið sem lætur ekki sjá sig meðal fólks á daginn.  Þarna sér maður 400 kílóa fólkið hreinsa upp nammi-deildina, sem og fólk sem er...skulum við segja öðruvísi...í útliti og klæðaburði heldur en gengur og gerist.  Það væri örugglega verðugt verkefni fyrir mannfræðinga og félagsfræðinga að skoða "næturlífið" í Wal-Mart nánar.

Á heimleiðinni kveiki ég á útvarpinu og hlusta á Minnesota Public Radio...gömlu góðu gufuna...og það færist yfir mann ákveðin ró...það verður gott að sofa út í dag.

Samanburður á fasteignaverði

Fasteignaverð á Íslandi er orðið mjög svo áhugavert fyrirbæri, ekki síst í Reykjavík þar sem nú býðst blokkar-íbúð með útsýni yfir Kollafjörðinn fyrir litlar 230 milljónir króna.  Mér datt í hug að gera smá samanburð og sjá hvað ég gæti fengið fyrir sama pening hér vestra.  230 milljónir króna jafngildir ca. 3.6 milljónum dollara en það er svipað verð og körfuboltastjarnan Kevin Garnett var að greiða fyrir 20 herbergja lúxus villu í dýrasta úthverfi Minneapolis nýlega.

Hér má svo sjá hús á Palm Beach í Flórída sem kostar einmitt 3.6 milljónir dollara.  Fyrir mitt leiti þá findist mér þetta nú betri díll!

Annars er gangverð á "penthouse" íbúðum í háhýsum í Minneapolis u.þ.b. 800-900 þúsund dollarar (ca. 50 milljónir kr.) og hér í St. Cloud er algengt verð fyrir stórt tveggja hæða einbýlishús á bilinu 200-350 þús. dollarar (12-22 m.kr).

 

Þetta reisulega hús í nágrenninu kostar reyndar $550 þúsund (34 m.kr.) en mér skilst að maður fái varla raðhús á Selfossi fyrir svoleiðis slikk.

Vill einhver skipta á sléttu?

 

 

 

Þakíbúð fyrir 230 milljónir? Skiptar skoðanir meðal fasteignasala

Myndir frá Calíforníu-ferðinni

Ég hafði mig loksins í að dæla myndunum sem ég tók í Los Angeles um daginn inná vefinn.  Þarna eru meðal annars myndir frá Star Wars afmælishátíðinni miklu, strætum Los Angeles borgar, Hollywood hæða og Beverly Hills, ströndinni í Santa Monica, WB Studios, flugvélasafni og skipamyndir úr höfninni í Long Beach.

Gjörið svo vel http://picasaweb.google.com/robert.bjornsson   Ég mun í framtíðinni notast við þennan myndavef og mun ekki uppfæra Fotki mynda-albúmið frekar.

Hvað ætli Jón Valur segi nú?

Það stefnir allt í svaka stuð í Jerúsalem í næstu viku þegar hommar og lesbíur leggja undir sig göturnar í þessari "heilögu" borg.  Það er ekki ólíklegt að það verði einhver ófriður í kringum þetta og allt komi til með að loga í óeyrðum og látum, en er það ekki bara daglegt brauð í Jerúsalem hvort eð er?  Það er margt til vinnandi að gera þessa trúarofsækis-skrípalinga æsta hvar sem til þeirra næst, því kannski springur æð í heilanum á þeim í æðiskastinu og þeim fækkar þá um nokkra.

Fyrir nokkrum dögum var sagt frá met-fjölda í Gay Pride göngu í Brasilíu þar sem mættu 3 milljónir manna.  Eitthvað fór þetta fyrir brjóstið á okkar uppáhalds hommahatara hér á moggablogginu, Jóni Val Jenssyni og lét hann þá frá sér þessa færslu.  Fyrir þá sem ekki hafa skoðað bloggsíðu kaþólska guðfræðingsins Jóns Vals Jenssonar mæli ég með að þið kíkið á kauða.  Það getur verið hin mesta skemmtun að lesa vitleysuna í manninum þó svo það sé kannski ekki fyrir viðkvæmar sálir.  Sérstakur karakter með óeðlilegan áhuga á samkynhneigð svo ekki sé meira sagt. 

 

 

  

Hmmm...kannski Ísrael sé ekki svo afleitur ferðamannastaður eftir allt saman?

Grænt ljós á göngu samkynhneigðra í miðborg Jerúsalem